Icelandair
| Icelandair | |
 |
|
| Rekstrarform | Almenningshlutafélag |
|---|---|
| Stofnað |  Reykjavík, Íslandi (1971) |
| Staðsetning | Keflavík og Reykjavík, Ísland |
| Lykilmenn | Björgólfur Jóhannsson forstjóri |
| Starfsemi | Ferða- og flugþjónustufyrirtæki |
| Tekjur | ISK 88 milljónir (2010)  [1] |
| Hagnaður f. skatta | ISK 6,2 milljónir (2010) [1] |
| Hagnaður e. skatta | ISK 4,5 milljónir (2010) [1] |
| Starfsmenn | 2.129 (2010)  [1] |
| Vefsíða | www.icelandair.is |
Icelandair er alþjóðlegt flugfélag og dótturfyrirtæki Icelandair Group.
Forverar Icelandair voru Loftleiðir og Flugfélag Íslands. Félagið notar nafnið Loftleiðir fyrir leigustarfsemi félagsins.
Icelandair var í eigu FL Group - en þeir seldu allt sitt hlutafé 16. október 2006. Félagið er í dag í eigu Icelandair Group sem er hlutafélag skráð í desember 2006 í Kauphöll Íslands eða OMX sem ICEAIR.
Efnisyfirlit |
Saga félagsins [breyta]
Í kreppunni 1970 urðu rekstrarhorfur bæði Flugfélags Íslands og Loftleiða mjög slæmar. Ríkistjórn Íslands reyndi að sameina félögin, sem varð að veruleika 1973 eftir langt tímabil samningafunda.[2] Eignarhaldsfélagið Flugleiðir var stofnað, sem sameinaði félögin og hagræddi starfsemi félagana. Hagræðingin fólst í rekstri eigna félagsins, vátryggingum, gistihúsareksturs, veitingaþjónustu, bifreiðaleigu, ferðaskrifstofu og starfsemi á flugvöllum. Rekstur flugvélanna var aðskildur í félögunum tveimur fyrst um sinn.[3] Við sameininguna var tveir þriðju farþega félagsins í millilandaflugi og floti Flugfélags Íslands var stækkaður með DC-8s flugvélum Loftleiða. 1979 keypti Flugfélag Íslands allar eignir Loftleiða í Flugleiðum og flugfélagið varð þekkt sem Icelandair.[4]
Í kjölfar sameiningar [breyta]
Flugvélafloti Icelandair var óbreyttur þangað til Boeing 757-200 vélar voru keyptar á tíunda áratuginum til að skipta út Douglas DC-3 flugvélum á leiðum til Evrópu og Ameríku. Frá 1955 hafði flugvöllurinn í Lúxemborg verið eini viðkomustaður félagsins og forvera þess í Evrópu. Aukin samkeppni á Norður-Atlantshafs flugi leiddi til þess að markaðurinn í Lúxemborg minnkaði og í kjölfarið hætti félagið flugi þangað. Einnig var afgreiðslu á Kennedyflugvelli hætt og félagið gerði samning við British Airways um að taka við þjónustunni. Í stað Lúxemborgar var ákveðið að fljúga beint frá stærstu borgum Evrópu til Íslands.[5]
1997 var innanlandsflug Icelandair, sem var áður rekið af Flugfélagi Norðurlands, sameinað Norðurflugi til að mynda Flugfélag Íslands.[6]. Þetta gerði Icelandair kleift að einblína á alþjóðaflug félagsins. 1999 var einkennismerki félagsins breytt til að höfða betur til flugfarþega í viðskiptaerindum. 2001 var miðstöð flugs Icelandair flutt til Keflavíkurflugvallar. Hryðjuverkin 11. september sama árs höfðu mikil áhrif á rekstur félagsins sem leiddi til þess að 300 manns misstu vinnuna.[7]
Eignarhaldsfélög Flugleiða voru Icelandair Group (fyrir flugrekstur) og FL Group (fyrir annan rekstur) á milli 2002 og 2005.[4] 2003 var nýtt félag var stofnað undir leigusamninga flugvéla Loftleiðir Icelandic.[8]
Þróun frá 2005 [breyta]
Í febrúar 2005 gerði Icelandair bindandi pöntun á tveimur Boeing 787 Dreamliner flugvélum sem átti upphaflega að afhenda 2010.[9] Síðar var tveimur flugvélum bætt við pöntunina en í ljósi seinkana á afhendingu vélana frá Boeing og rekstrarvandræðum félagsins í kjölfar kreppunnar 2008-2010 var tilkynnt í maí 2011 að kaupréttindi á þessum vélum höfðu verið færð yfir á Norwegian Air Shuttle.[10][11]
Flugtakmarkanir í kjölfar eldgossins í Eyjafjallajökli 2010 höfðu mikil áhrif á rekstur félagsins, en flugtakmarkanirnar leiddu til þess að stór hluti flugumferðarsvæðis Evrópu var lokaður. Flugtakmarkanirnar áttu sér stað í upphaf sumartímabils félagsins en á þeim tíma koma flestir farþegar til landsins. Í kjölfarið byrjaði neyðarteymi félagsins að greina ástandið á þremur fundum yfir daginn í höfuðstöðvum félagsins. Settir voru fram þeir kostir að ef Keflavíkurflugvöllur myndi lokast myndi flugið flytjast yfir á Akureyrar- eða Egilstaðaflugvöll, eða að öðrum kosti verði miðstöð fyrir flug félagsins flutt úr landi.[12] Þegar Keflavíkurflugvöllur lokaði 22. maí flutti Icelandair flugmiðstöð sína tímabundið til Glasgow. Á þeim tíma var tengiflug til Akureyrar með rútuflutningum til Reykjavíkur. Flugfélagið breytti flugmiðstöðinni aftur til Keflavíkur 28. maí.[13]
Í kjölfar gossins var átakið "Inspired by Iceland" sett fram til að auka fjölda ferðamanna á Íslandi. Í kjölfar átaksins jókst fjöldi ferðamanna um 0,6 prósent miðað við sama tímabil síðasta árs og tekjur af ferðamönnum voru 34 milljarðar.[14]
Leiðakerfi Icelandair [breyta]
Leiðakerfi Icelandair byggist á staðsetningu Íslands á milli Evrópu og N-Ameríku og gefur möguleika á mjög stuttum ferðatíma á leiðinni yfir Atlantshafið. Staðsetning Íslands gefur einnig möguleika á mjög stuttum og í mörgum tilvikum stysta mögulega ferðatíma milli N-Ameríku og Indlands, Mið-Austurlanda og Suðaustur-Asíu.
Keflavíkurflugvöllur er miðstöð flugs Icelandair.
Áfangastaðir [breyta]
|
Einnig hefur komið fram hjá fyrirtækinu að þeir hyggjast hefja flug til Indlands og Kína á næstu árum.
Flugfloti [breyta]
Icelandair rekur aðeins Boeing-þotur og eru þær flestar af gerðinni Boeing 757 og sumar þeira eru samnýttar með Loftleiðum og Icelandair Cargo.
Icelandair hefur samið við Boeing um kaup á fjórum Boeing 787 vélum fyrir Icelandair en sú fyrsta verður afhent 2010. Þær hafa mun meira flugdrægi en fyrri vélar félagsins.
Farþegaþotur undir merkjum Icelandair [breyta]
- TF-FIA — 757-256, Herðubreið
- TF-FII — 757-208, Eyjafjallajökull
- TF-FIJ — 757-208, Surtsey
- TF-FIN — 757-208, Eldborg
- TF-FIO — 757-208, Krafla
- TF-FIV — 757-208, Katla
- TF-FIP — 757-208, Snæfell
- TF-FIR — 757-256, Askja
- TF-FIU — 757-256, Hekla
- TF-FIX — 757-308, Hengill
- TF-FIZ — 757-256, Keilir
- TF-FIK — 757-2Y0
Fragtþotur undir merkjum Icelandair Cargo [breyta]
- TF-FIG — 757-23APF
- TF-FID — 757-23A PCF
- TF-FIE — 757-23A PCF
- TF-FIH - 757-23A PCF
- TF-CIB - 757-204 PCF
Farþegarþotur undir merkjum Loftleiða Icelandic [breyta]
- TF-FIS — 757-256
- TF-FIT — 757-256
- TF-FIW - 757-27B
- TF-LLY — 757-225
- TF-FIB — 767-383
- TF-LLA — 767-366
Tilvísunarkóðar [breyta]
Tenglar [breyta]
Heimildir [breyta]
- „Icelandair.is — Leiðakerfið“, skoðað þann 10. mars 2011.
- „Icelandair.is — Flugflotinn“, skoðað þann 10. mars 2011.
- „Loftfaraskrá Flugmálastjórnar“, skoðað þann 10. mars 2011.
- „Airliners.net“, skoðað þann 10. mars 2011.
- ↑ 1,0 1,1 1,2 1,3 Árskýrsla Icelandair árið 2010
- ↑ [http://timarit.is/view_page_init.jsp?pageId=3165359 Algjör sameining flugfélaganna] Frjáls verslun.
- ↑ Sameiningin Morgunblaðið
- ↑ 4,0 4,1 Information about Icelandair at the Aero Transport Data Bank
- ↑ 1.578 milljóna króna tap á fyrri árshelmingi Morgunblaðið
- ↑ Innanlandsflug Flugleiða verður sameinað Flugfélagi Norðurlands undir nafninu Morgunblaðið, birt 7. febrúar 1997
- ↑ Hryðjuverk kostuðu 300 manns vinnuna hjá Icelandair
- ↑ Official website of Loftleiðir Icelandic
- ↑ Boeing: Icelandair Orders Two Boeing 787 Dreamliners
- ↑ Letter of Intent regarding transferring of rights to purchase three B787 Dreamliner aircraft
- ↑ "Icelandair to transfer purchase rights on three 787s to Norwegian", at flightglobal.com
- ↑ Presentation of the measure taken by Icelandair to cope with the 2010 air travel disruptions
- ↑ "Icelandair shifts volcano-hit hub operation back to Reykjavik", flightglobal.com. Birt 28 Apríl 2010.
- ↑ Inspired by Iceland skilaði 34 milljarða tekjum í fyrra
|
|||||||||||||||||
