Þjóðhátíð í Vestmannaeyjum
Þjóðhátíð í Vestmannaeyjum er útihátíð sem haldin er árlega í Herjólfsdal í Vestmannaeyjum um Verslunarmannahelgina. Hátíðin heitir eftir þjóðhátíðinni á þúsund ára afmæli Íslandsbyggðar 2. ágúst 1874 þegar slíkar þjóðhátíðir voru haldnar víða um land. Frá 1916 hefur hátíðin verið haldin árlega í ágústmánuði[1] þar til 2020 og 2021 vegna heimsfaraldursins[2][3]. Í upphafi 20. aldar var hátíðin fyrst og fremst íþróttahátíð þar sem keppt var í kappróðrum, glímu og fleiri íþróttum, líkt og tíðkaðist þá á þjóðhátíðum víða um land.
Fyrirrennarar þjóðhátíðar í Herjólfsdal eru kaupstefnur Vestmannaeyinga og erlendra skipa sem haldnar voru þar áður fyrr, hersýningar Heimavarnarliðs Vestmannaeyja sem haldnar voru í dalnum eftir miðja 19. öld og veislur sem Pétur Bryde kaupmaður hélt starfsfólki sínu í Herjólfsdal eftir miðja 19. öld. Pétur kostaði meðal annars endurnýjun vegarins inn í dalinn árið 1859.
Brekkusöngur
[breyta | breyta frumkóða]Orðið Brekkusöngur var ekki til í íslensku máli fyrr en árið 1977 þegar Árni Johnsen, fyrrverandi þingmaður bjó til orðið og hélt hinn fyrsta Brekkusöng. Var hann haldinn á Þjóðhátíð í Vestmannaeyjum í Herjólfsdal. Í kjölfarið varð Brekkusöngur að árlegum viðburði á lokakvöldi hátíðarinnar.
| Ár | Söngvari |
|---|---|
| 1977-2002 | Árni Johnsen |
| 2003 | Róbert Marshall[4] |
| 2004-2012 | Árni Johnsen |
| 2011-2012 | Jarl Sigurgeirsson og Sæþór Vídó[5] |
| 2013-2019 | Ingólfur Þórarinsson |
| 2021- | Magnús Kjartan Eyjólfsson |
Tenglar
[breyta | breyta frumkóða]Heimildir
[breyta | breyta frumkóða]- ↑ „Sagan“. www.dalurinn.is. Afrit af upprunalegu geymt þann 28. júlí 2020. Sótt 31. júlí 2020.
- ↑ „Tómur dalur á föstudegi á þjóðhátíð ekki sést í 105 ár“. RÚV (enska). 31. júlí 2020. Sótt 31. júlí 2020.
- ↑ brynjolfurthor (11. ágúst 2021). „Þjóðhátíð aflýst annað árið í röð“. RÚV. Sótt 10. september 2022.
- ↑ https://www.mbl.is/frettir/innlent/2003/08/03/robert_marshall_stjornadi_brekkusong/
- ↑ https://www.ruv.is/frett/ingo-sa-eini-sem-kom-til-greina