Æðstaráð Sovétríkjanna

Æðstaráðið kom saman í Kremlarhöll í Moskvu.

Æðstaráð Sovétríkjanna (rússneska: Верховный Совет), líka kallað Yfirsovétið eða Æðsta sovétið, var æðsta löggjafarþing Sovétríkjanna og það eina sem gat breytt Stjórnarskrá Sovétríkjanna. Forsætisnefnd æðstaráðs Sovétríkjanna var kjörin af Æðstaráðinu og myndaði síðan ríkisstjórn Sovétríkjanna, hæstarétt Sovétríkjanna og skipaði ríkissaksóknara Sovétríkjanna.

Æðstaráðið sat í tveimur deildum sem hvor hafði sama löggjafarvald. Fulltrúar voru kjörnir til 4 ára í senn:

• Sambandsráð Sovétríkjanna með einn fulltrúa fyrir hverja 300.000 íbúa í öllum Sovétríkjunum.
• Þjóðernisráð Sovétríkjanna með 32 fulltrúa frá hverju Sovétlýðveldi, 11 frá hverju sjálfstjórnarlýðveldi, 5 frá hverju sjálfstjórnarhéraði (oblast) og 1 frá hverju sjálfstjórnarumdæmi (okrug).

Eftir 1989 sátu 542 fulltrúar í Æðstaráðinu en höfðu áður verið allt að 1500. Fundum ráðsins var líka fjölgað. Forsætisnefndin fór með völd Æðstaráðsins milli funda.

Forsetar forsætisnefndar Æðstaráðs Sovétríkjanna 1938 til 1989

1. Míkhaíl Kalínín 1938–1946
2. Níkolaj Shverník 1946–1953
3. Klíment Voroshílov 1953–1960
4. Leoníd Brezhnev 1960–1964
5. Anastas Míkojan 1964–1965
6. Níkolaj Podgornyj 1965–1977
7. Leoníd Brezhnev (annað skipti) 1977–1982
8. Júríj Andropov 1982–1984
9. Konstantín Tsjernenko 1984–1985
10. Andrej Gromyko 1985–1988
11. Míkhaíl Gorbatsjov 1988–1989

Forsetar Æðstaráðs Sovétríkjanna 1989 til 1991

1. Míkhaíl Gorbatsjov 25. maí 1989 – 15. mars 1990
2. Anatolíj Lúkjanov 15. mars 1990 – 22. ágúst 1991

Heimildir

  Þessi grein er stubbur. Þú getur hjálpað til með því að bæta við greinina.