Alaskasýprus

Cupressus nootkatensis
	; Barr og köngull, Mount Rainier National Park
Ástand stofns
	; Ekki í útrýmingarhættu
Vísindaleg flokkun
Ríki:	Jurtaríki (Plantae);
Fylking:	Berfrævingar (Pinophyta);
Flokkur:	Barrtré (Pinopsida);
Ættbálkur:	Pinales;
Ætt:	Einisætt (Cupressaceae);
Ættkvísl:	Cupressus;
Tegund:	C. nootkatensis;
Tvínefni
	Cupressus nootkatensis; D.Don 1824
	; Útbreiðsla í Norður-Ameríku
Samheiti
	Callitropsis nootkatensis (D.Don) Oerst. ex D.P.Little; Callitropsis nootkatensis (D. Don) Florin; Chamaecyparis nootkatensis (D. Don) Sudw.; Chamaecyparis nootkatensis (D.Don) Spach; Chamaecyparis nutkaensis Lindl. & Gordon; Cupressus americana Trautv.; Cupressus nutkatensis Hook.; Thuja excelsa Bong.; Thujopsis borealis Carrière; Thujopsis cupressoides Carrière; Thujopsis tchugatskoyae Carrière; Xanthocyparis nootkatensis (D.Don) Farjon & D.K.Harder;

Alaskasýprus (fræðiheiti: Cupressus nootkatensis, áður þekkt sem Chamaecyparis nootkatensis ) er barrtré af grátviðarætt (Cupressaceae). Það vex í strandhéruðum Bresku Kólumbíu, sunnanverðu Alaska og allt suður til Norðvestur-Kaliforníu. Það verður 30–40 m á hæð og vaxtalag er eins og grönn keila. Kýs mikinn loftraka og djúpan jarðraka. Er skuggþolið og vex upp inni í greni- og þallarskógum. Alaskasýprus er hægvaxta og getur náð 1.000 – 3.500 ára aldri.

Árssprotar vaxa í fleti eins og í blævæng og hafa ekki eiginleg endabrum, heldur stöðva þeir bara vöxtinn í bili við óhagstæð veðurskilyrði. Barrnálar eru skellaga.

Börkurinn er grábrúnn og sléttur og flagnar af í stórum flögum á eldri trjám. Könglar eru kúlulaga.

Á Íslandi[breyta | breyta frumkóða]

Alaskasýprus hefur ekki náð mikilli hæð hérlendis en reynsla er ekki mikil, eintök má finna á t.d. í Lystigarði Akureyrar, Hallormsstað, Mógilsá, í Skorradal, á Reykjavíkursvæðinu, í Múlakoti og í Fljótshlíð. Hann vex mjög hægt hérlendis og vantar líklega meiri hita. Hann þarf mjög gott skjól og vex ágætlega í hálfskugga af öðrum trjám. Hann þolir illa þurranæðinga í frosti og vetrarsól, og verður því að skýla honum vel fyrir því og norðanáttinni. Vetrarskýli er því nauðsynlegt fyrstu árin, nema hann hafi mjög gott skjól af öðrum gróðri í kring.