Fljótshlíð

Úr Wikipediu, frjálsa alfræðiritinu
Stökkva á: flakk, leita
Horft austur Fljótshlíð til Mýrdalsjökuls.

Fljótshlíð er sveit í Rangárvallasýslu. Fyrir vestan hana er hinn forni Hvolhreppur, að sunnan Vestur- og Austur-Landeyjar og að suðaustan Vestur-Eyjafjallasveit. Fljótshlíðarhreppur náði yfir Fljótshlíð en hefur verið lagður niður sem sérstakt sveitarfélag. Löngum voru tvö prestaköll í Fljótshlíð. Annað var nefnt Fljótshlíðarþing, helstu kirkjur í Teigi, í Eyvindarmúla og á Hlíðarenda. Hitt prestakallið var kennt við Breiðabólstað, og undir það féllu að fornu annexíurnar Lambey, Ey, Þorvarðsstaðir og Vellir, auk bænhúss í Vatnsdal. Frá 1880 lögðust Fljótshlíðarþing undir Breiðabólstað.[1]

Fjölmargar jarðir í Fljótshlíð eru nú að öllu leyti eða hluta í eigu efnamanna af höfuðborgarsvæðinu sem sumir eru búsettir þar allt árið en aðrir eru þar eingöngu um helgar eða í leyfum. Á fæstum þessara jarða er rekinn hefðbundinn búskapur þótt sumir séu þar með hesta. Nú eru hátt á annað hundrað sumarbústaðir í Fljótshlíð.[2]

Bæjatal á 20. öld, frá austri til vesturs[breyta | breyta frumkóða]

  • Fljótsdalur
  • Fljót
  • Barkarstaðir
  • Háimúli
  • Árkvörn
  • Eyvindarmúli
  • Múlakot
  • Hlíðarendakot
  • Nikulásarhús
  • Hlíðarendi
  • Hallskot
  • Rauðuskriður
  • Þverá
  • Deild
  • Valstrýta
  • Heylækur
  • Teigur
  • Butra
  • Smáratún
  • Miðkot
  • Bollakot
  • Hellishólar
  • Grjótá
  • Arngeirsstaðir
  • Tungukot
  • Kirkjulækur
  • Kirkjulækjarkot
  • Lambalækur
  • Hlíðarból
  • Kvoslækur
  • Ormskot
  • Litli-Kollabær
  • Stöðlakot
  • Kollabær
  • Tumastaðir
  • Tunga
  • Vatnsdalur
  • Höfði
  • Torfastaðir
  • Kotmúli
  • Fagrahlíð
  • Sámsstaðir
  • Árnagerði
  • Ásvöllur
  • Breiðabólstaður
  • Bjargarkot
  • Lambey
  • Staðarbakki
  • Aurasel
  • Flókastaðir
  • Núpur

Tilvísanir[breyta | breyta frumkóða]

  1. Sveinn Níelsson: Prestatal og prófasta á Íslandi, 2. útgáfa (Hannes Þorsteinsson jók við og Björn Magnússon gaf út), bls. 58-59, Reykjavík 1950.
  2. „Burt úr borgarskarkala“. Morgunblaðið, 1. september 2002.

Ítarefni[breyta | breyta frumkóða]

  • Oddgeir Guðjónsson: „Fljótshlíð“, Sunnlenskar byggðir IV, Búnaðarsamband Suðurlands 1982.