Verdalsøra
Verdalsøra er borg og stjórnsýslumiðstöð í sveitarfélaginu Verdal í Þrændalögum í Noregi. Í borginni eru 8.535 íbúar og 14.995 íbúar í sveitarfélaginu.
Verdalsøra er við hraðbrautina E6, 14 km norður af Levanger og 30 km suður af Steinkjer.
Verdalsøra er stöðvarbær fyrir Trønderbanen og Nordlandsbanen járnbrautarlínurnar.
Stærsta vinnustaða- og hornsteinafyrirtækið á Verdalsøra er Aker Solutions Verdal, sem er úthafsskipasmíðastöð. Stöðin sinnir verkfræði- og byggingarvinnu á stórum stálvirkjum, svo sem olíupöllum og undirvögnum. Um 750 starfsmenn eru í skipasmíðastöðinni sem er á meðal stærstu iðnaðarvinnustaða Þrændalaga. Á Verdalsøra er einnig matvælaiðnaður, steypuvöruiðnaður og viðarvöruiðnaður.
Verdalsøra er með nútímalega höfn sem tekur allt að 12.000-15.000 tonna báta.
Í bænum er grunnskóli og menntaskóli.
Turneteateret í Trøndelag er með höfuðstöðvar í bænum með leikhús. Leikhúsið er í eigu Þrændalaga og framleiðir og miðlar sviðslist um allt fylkið. Leikhúsið er einnig hæfnismiðstöð fyrir áhugaleikhús.
Nálægt Verdalsøra eru Stiklastaðir, sem er þekktur fyrir Stiklastaðaorrustu sem átti sér stað hér árið 1030, og útileikhúsið Spelet om Heilag Olav, sem sýnt er á hverju ári á Olsok.
