Tina Turner

Úr Wikipediu, frjálsa alfræðiritinu
Tina Turner á hálfrar aldar afmælistónleikaröð árið 2009.

Tina Turner (fædd Anna Mae Bullock, 26. nóvember 1939) er bandarísk söngkona, lagahöfundur og leikkona, sem oft hefur verið nefnd „drottning rokksins“. Hún náði fyrst frægð sem hluti af Ike & Tina Turner Revue áður en hún hóf vel heppnaðan sólóferil.

Tina Turner hóf söngferilinn með hljómsveit Ikes Turner, Kings of Rhythm, árið 1957. Hún söng með þeim lagið „Boxtop“ sem „Little Ann“. Árið 1960 var hún kynnt sem Tina Turner þegar smellurinn „A Fool in Love“ kom út. Ike & Tina Turner urðu einn af frægustu tónleikadúettum sögunnar.[1] Þau gerðu fjölda vinsælla laga á borð við „It's Gonna Work Out Fine“, „River Deep – Mountain High“, „Proud Mary“ og „Nutbush City Limits“. Þau hættu samstarfinu árið 1976.

Á 9. áratugnum hleypti Tina Turner af stokkunum einni best heppnuðu endurkomu tónlistarsögunnar.[2] Árið 1984 gaf hún út mesöluplötuna Private Dancer með smellinum „What's Love Got to Do with It“ sem hlaut Grammýverðlaun sem plata ársins og varð fyrsta og eina lag hennar sem náði 1. sæti á Billboard-listanum. Hún var 44 ára gömul og elsta sólótónlistarkona sem hafði náð í efsta sæti listans.[3] Velgengni hennar hélt áfram með lögunum „Better Be Good to Me“, „Private Dancer“, „We Don't Need Another Hero“, „Typical Male“, „The Best“, „I Don't Wanna Fight“ og „Goldeneye“. Árið 1988 hélt hún í tónleikaferðina Break Every Rule World Tour og setti heimsmet í aðsókn á tónleika með sólótónlistarmanni (180.000 áhorfendur).[4] Hún hefur leikið í kvikmyndunum Tommy (1975), Mad Max Beyond Thunderdome (1985) og Last Action Hero (1993). Árið 1993 kom ævisögulega kvikmyndin What's Love Got to Do with It sem byggðist á ævisögu hennar, I, Tina: My Life Story út. Árið 2009 dró hún sig í hlé eftir tónleikaröðina Tina!: 50th Anniversary Tour sem er 15. söluhæsta tónleikaröð 21. aldar. Árið 2018 var söngvamyndin Tina gerð um hana.

Tina Turner hefur selt yfir 100 milljón plötur um allan heim. Hún er ein af söluhæstu tónlistarmönnum allra tíma. Hún hefur 12 sinnum hlotið Grammýverðlaun, þar á meðal átta samkeppnisverðlaun, þrjú heiðursverðlaun og Grammy Lifetime Achievement Award. Hún var fyrsti svarti listamaðurinn og fyrsta konan sem birtist á forsíðu tímaritsins Rolling Stone. Tímaritið hefur sett hana á lista yfir 100 mestu tónlistarmenn allra tíma og 100 mestu söngvara allra tíma.[5]

Hún á stjörnu á Hollywood Walk of Fame og St. Louis Walk of Fame. Hún hefur tvisvar verið tekin inn í Frægðarhöll rokksins, fyrst með Ike Turner árið 1991 og sem sólólistakona árið 2021.[6] Hún hefur fengið heiðursverðlaun Kennedy Center og Women of the Year-verðlaunin.[7]

Tilvísanir[breyta | breyta frumkóða]

  1. „Ike and Tina Turner | Rock & Roll Hall of Fame“. www.rockhall.com. Afrit from the original on March 7, 2021. Sótt February 27, 2021.
  2. „Rewinding the Charts: In 1985, Tina Turner Kept Her Hot Streak With 'We Don't Need Another Hero'. Billboard (enska). July 6, 2015. Afrit from the original on February 23, 2021. Sótt February 27, 2021.
  3. Caulfield, Keith (January 21, 2014). 'Happily Retired' Tina Turner Set to Release 'Love Songs' Album“. Billboard. Afrit from the original on October 6, 2019. Sótt September 16, 2019.
  4. „Mini-skirted Tina Turner claims record audience“. United Press International. January 17, 1988. Afrit from the original on November 1, 2018. Sótt November 1, 2018.
  5. „The 100 Greatest Singers of All Time“. Rolling Stone (1066): 73. November 27, 2008. Afrit af upprunalegu geymt þann March 8, 2009. Sótt April 6, 2009.
  6. „Tina Turner, Jay-Z, Foo Fighters Among Those Inducted Into Rock & Roll Hall Of Fame". NPR.org. (en) Skoðað 12. maí 2021.
  7. „Women of the year award“. Afrit af upprunalegu geymt þann 20. október 2012. Sótt 17. september 2012.
  Þessi tónlistargrein er stubbur. Þú getur hjálpað til með því að bæta við greinina.