Svavar Halldórsson

Svavar Halldórsson.

Svavar Halldórsson (f. 10. apríl 1970) er markaðsstjóri líftæknifyrirtæksins Algalífs og rekur einnig fyrirtækið Rabb ráðgjöf.

Svavar er stjórnmálafræðingur með meistaragráðu í stjórnsýslufræðum frá Háskóla Íslands og meistaragráðu í matarmenningu, samskiptum og markaðsfræðum frá University of Gastronomic Sciences á Ítalíu.

Hann starfaði lengi sem fréttamaður, vaktstjóri og þáttagerðarmaður á RÚV og Stöð 2 og víðar í fjölmiðlum. Svavar gerði sjónarpsþættina Íslenskur matur sem sýndir voru á RÚV og eru aðgengilegir á YouTube. Þá hefur hann skrifað fjölmargar blaðagreinar sem m.a. hafa birst í Morgunblaðinu, Fréttablaðinu, Bændablaðinu, Kjarnanum og víðar. Hann gaf út Íslensku hamborgarabókina árið 2013.

Svavar vann einnig að markaðsmálum fyrir íslenska sauðfjárbændur í nokkur ár og sá þar meðal annars um stofnsetningu og rekstur markaðsstofunnar Icelandic lamb sem vann að markaðssetningu á íslensku lambakjöti til erlendra ferðamanna á Íslandi. Svavar hefur kennt markaðsfræði við Landbúnaðarháskóla Íslands og UNISG á Ítalíu.

Svavar situr í stjórn Hjallastefnunnar ehf.

Eiginkona hans er Þóra Arnórsdóttir, fyrrverandi ritstjóri fréttaskýringarþáttarins Kveiks.

Tenglar

• Bloggsíða