Þóra Arnórsdóttir
Þóra Arnórsdóttir (f. 18. febrúar 1975 í Reykjavík) er íslensk fjölmiðla- og heimildamyndagerðarkona. Hún hefur starfað í fjölmiðlum frá árinu 1998,[1] fyrst í útvarpi en síðan sem sjónvarpsfréttamaður um árabil. Þóra starfaði sem umsjónarmaður og síðar ritstjóri Kastljóss[2] á RÚV á árunum 2009-2017. Hún hefur verið ritstjóri Kveiks, fréttaskýringaþáttar RÚV, frá því að þátturinn hóf göngu sína árið 2017.[3]
Þann 4. apríl 2012 tilkynnti hún forsetaframboð sitt gegn sitjandi forseta, Ólafi Ragnari Grímssyni.[4] Hún hlaut um þriðjung atkvæða en Ólafur Ragnar Grímsson rúman helming.[5] Framboðið skapaði töluverða umræðu bæði innanlands og utan[6][7] [8][9] um kynjajafnrétti, en Þóra fæddi sitt þriðja barn, dóttur, í miðri kosningabaráttunni.[10]
Menntun[breyta | breyta frumkóða]
Þóra er stúdent frá Menntaskólanum við Hamrahlíð, er með B.A. gráðu í heimspeki frá Háskóla Íslands og Háskólanum í Genúa á Ítalíu og M.A. gráðu í alþjóðastjórnmálum og þróunarhagfræði frá Johns Hopkins University School of Advanced International Studies (SAIS) í Bologna, Ítalíu og Washington, D.C., Bandaríkjunum. Hún var valin Yale World Fellow árið 2014.[11][12] „Verkefni Yale World Fellows er að rækta og valdefla net alþjóðavæddra leiðtoga sem eru staðráðnir í að gera heiminn að betri stað,“ segir um verkefnið á heimasíðu þess.[13]
Starfsferill[breyta | breyta frumkóða]
Þóra hefur meðal annars gert heimildarþáttaröðina Hrunið (2009)[14], myndina Útlagar (2009), um Dalai Lama og tíbetskt samfélag á Indlandi, Inndjúpið (2013), þáttaröð um síðustu bændurna við Ísafjarðardjúp og Brautryðjendur (2014), þar sem rætt er við íslenskar konur sem ruddu brautina á ýmsum sviðum mannlífsins. Hún stýrði einnig spurningaþættinum Útsvari ásamt Sigmari Guðmundssyni í 10 ár, 2007-2017.[15] Allir þættirnir hafa verið tilnefndir til Eddu-verðlauna.[16]
Þóra var tilnefnd sem sjónvarpsmaður ársins árin 2007, 2010,[17] 2011 og 2012 og fékk áhorfendaverðlaun ársins 2012.[18] Hún var einnig tilnefnd til Blaðamannaverðlaunanna 2009 og 2010.[19]
Fréttaskýringaþátturinn Kveikur hefur einnig hlotið þrenn Edduverðlaun, í flokki frétta-og viðtalsþátta og sem sjónvarpsefni ársins.[20]
Einkalíf[breyta | breyta frumkóða]
Sambýlismaður Þóru er Svavar Halldórsson (f. í Vestmannaeyjum, 10. apríl 1970). Þau eiga þrjú börn og þrjár dætur úr fyrra sambandi hans.[21] Faðir Þóru var Arnór Hannibalsson (1934-2012), heimspekiprófessor.[22] Móðir hennar var Nína Sæunn Sveinsdóttir (1935-2018), viðskiptafræðingur og framhaldsskólakennari.[23]
Tenglar[breyta | breyta frumkóða]
- Framboðsvefur Þóru Arnórs[óvirkur hlekkur]
- Segir að hér sé þingræði en ekki forsetaræði, frétt á Mbl.is 28. maí 2012
- ↑ Háskólabókasafn, Landsbókasafn Íslands-. „Tímarit.is“. timarit.is . Sótt 7. júní 2020.
- ↑ „Þóra ráðin ritstjóri Kastljóssins - Viðskiptablaðið“. www.vb.is (enska). Sótt 7. júní 2020.
- ↑ „Þóra ritstjóri nýs fréttaskýringaþáttar“. RÚV (enska). 31. maí 2017. Sótt 7. júní 2020.
- ↑ „Þóra býður sig fram til forseta“. RÚV (enska). 4. apríl 2012. Sótt 8. júní 2020.
- ↑ „Auðvitað var þetta ske mmtilegt“. www.mbl.is . Sótt 7. júní 2020.
- ↑ „She's young, blonde, polite and doesn't do party politics: just the guy for president“. the Guardian (enska). 23. júní 2012. Sótt 7. júní 2020.
- ↑ „New mum takes on president in poll“. NewsComAu (enska). 30. júní 2012. Sótt 7. júní 2020.
- ↑ „La prossima presidente dell'Islanda?“. Il Post (ítalska). 28. júní 2012. Sótt 7. júní 2020.
- ↑ „Islande : vers l’Etat des femmes ?“. TV5MONDE (franska). 24. desember 2014. Sótt 7. júní 2020.
- ↑ „Þóra eignast dóttur“. RÚV (enska). 18. maí 2012. Sótt 8. júní 2020.
- ↑ „Class of 2014 | Yale Greenberg World Fellows“. worldfellows.yale.edu. Sótt 8. júní 2020.
- ↑ „„Troðfull kista af tækifærum““. www.mbl.is . Sótt 8. júní 2020.
- ↑ „Class of 2016 | Yale Greenberg World Fellows“. worldfellows.yale.edu. Sótt 8. júní 2020.
- ↑ „Sjónvarp“. www.ruv.is. Sótt 8. júní 2020.
- ↑ „Útsvar (sjónvarpsþáttur)“, Wikipedia, frjálsa alfræðiritið , 21. mars 2019, sótt 8. júní 2020
- ↑ „Edduverðlaunin“, Wikipedia, frjálsa alfræðiritið , 6. mars 2013, sótt 8. júní 2020
- ↑ „Þóra sjónvarpsmaður ársins“. RÚV (enska). 28. febrúar 2010. Sótt 8. júní 2020.
- ↑ „Eddan.is - Vefsíða Edduverðlaunanna“ (enska). Sótt 8. júní 2020.
- ↑ Íslands, Blaðamannafélag. „Blaðamannaverðlaun/Mynd ársins“. Blaðamannafélag Íslands . Afrit af upprunalegu geymt þann 2020-08-15. Sótt 8. júní 2020.
- ↑ „Eddan 2019 - Eddan.is“ (enska). Sótt 8. júní 2020.
- ↑ „From Iceland — The Television Personality“. The Reykjavik Grapevine (enska). 19. júní 2012. Sótt 8. júní 2020.
- ↑ „Andlát: Arnór K. Hannibalsson“. www.mbl.is . Sótt 8. júní 2020.
- ↑ „Morgunblaðið - Nína Sæunn Sveinsdóttir“. www.mbl.is . Sótt 8. júní 2020.[óvirkur hlekkur]