Sitjandi Tarfur

Sitjandi Tarfur
Tȟatȟáŋka Íyotake
Sitjandi Tarfur í kringum 1883.
Fæddur	Húŋkešni (Sljór) eða Ȟoká Psíče (Stökkvandi greifingi) U.þ.b. 1831–1837 Grand River, Bandaríkjunum
Dáinn	15. desember 1890 (53–57 ára) Standing Rock, Suður-Dakóta, Bandaríkjunum
Maki	Ljóst hár Fjögurra kyrtla kona Snjór á henni Séð af þjóð hennar Skarlatskona
Börn	6
Undirskrift

Sitjandi Tarfur (lakóta: Tȟatȟáŋka Íyotake; enska: Sitting Bull; einnig þýtt á íslensku sem Sitjandi Naut, Sitjandi Boli eða Sitjandi Tuddi) (um 1831 – 15. desember 1890) var æðsti höfðingi Hunkpapa-ættbálksins af þjóð Súa. Hann leiddi 1200 Sjeyenna og Súa gegn 7. riddaraliðssveitinni undir stjórn George Armstrong Custer í orrustunni við Little Bighorn 25. júní 1876. Eftir orrustuna flýði hann ásamt liði sínu til Kanada þar sem hann bjó til 1881 þegar þau sneru aftur með friðhelgi.

Síðar ferðaðist hann með Buffalo Bill Cody og tók þátt í Villta vesturssýningu hans þar sem hann kom gjarnan fram og bölvaði áhorfendum á tungumáli Lakóta.

Þegar andadansinn breiddist út meðal frumbyggja í Norður-Ameríku sem tilraun til að reka hvíta manninn burt frá löndum þeirra tóku bandarísk stjórnvöld að líta á Sitjandi Tarf sem ógnun og reyndu að handtaka hann á heimili hans. Til átaka kom með þeim afleiðingum að Sitjandi Naut og sonur hans Krákufótur voru drepnir.

Tilvísanir

  Þetta æviágrip er stubbur. Þú getur hjálpað til með því að bæta við greinina.