Sergio Ramos

Úr Wikipediu, frjálsa alfræðiritinu
Sergio Ramos
Upplýsingar
Fullt nafn Sergio Ramos García
Fæðingardagur 30. mars 1986 (1986-03-30) (37 ára)
Fæðingarstaður    Camas, Andalúsíu, Spánn
Hæð 1,84 m
Leikstaða Miðvörður
Núverandi lið
Núverandi lið Sevilla FC
Númer 4
Yngriflokkaferill
1996–2003 Sevilla FC
Meistaraflokksferill1
Ár Lið Leikir (mörk)
2003–2004 Sevilla FC B 26 (2)
2004–2005 Sevilla FC 39 (2)
2005-2021 Real Madrid 469 (72)
2021-2023 Paris Saint-Germain 44 (3)
2023- Sevilla 0 (0)
Landsliðsferill
2002
2004
2004
2005–2021
Spánn U17
Spánn U19
Spánn U21
Spánn
1 (0)
6 (0)
6 (0)
180 (23)

1 Leikir með meistaraflokkum og mörk
talið í aðaldeild liðsins og
síðast uppfært júní 2023.

Sergio Ramos García er spænskur knattspyrnumaður sem spilar fyrir Sevilla FC. Hann spilar sem miðvörður og er talinn einn besti varnarmaður sinnar kynslóðar. Ramos er sterkur í loftinu og hraður og tekur vítaspyrnur fyrir félagslið og landslið. Hann varð leikjahæsti landsliðsmaður Evrópu í nóvember 2020 þegar hann fór fram úr Gianluigi Buffon í leik þar sem hann klúðraði tveimur vítaspyrnum.

Eftir að hafa alist upp hjá heimaliðinu Sevilla FC og átt eitt tímabil með aðalliðinu fór Ramos til Real árið 2005 og spilaði þar þangað til 2021. Hann vann 22 titla með félaginu, þar á meðal: 5 í La Liga og 4 í Meistaradeild Evrópu. Um sumarið hélt hann til PSG.

Ramos er leikjahæsti leikmaður spænska karlalandsliðsins í knattspyrnu og hefur unnið flesta leiki með liðinu. Hann er sá 8. leikjahæsti í La Liga. Hann spilaði sinn síðasta leik í desember 2021 fyrir landsliðið en gaf það út að hann væri hættur í byrjun árs 2023. Hann var ekki valinn á HM 2022.

Ramos þykir harður í horn að taka og hefur verið gagnrýndur fyrir grófan leik; hann hefur fengið flest rauð spjöld í Meistaradeildinni, 4 (ásamt Zlatan Ibrahimović og Edgar Davids). Hann hefur fengið nær 200 gul spjöld og 21 rauð spjöld í La Liga, hvort tveggja met.