Símareiki
Símareiki eða símaflakk á við notkun farsímans fyrir utan venjulegs farsímanets hans, oft á svæði þar sem er ekkert samband frá venjulega netinu, eða erlendis þar sem það net er ekki í boði. Símareiki tryggir það að notandi símans missir ekki samband og getur haldið áfram að hringja, senda smáskilaboð og hala niður gögnum þó hann sé ekki á þjónustusvæði farsímanetsins síns. Tæknin sem styður símareiki er byggð inn í GSM- og CDMA-staðlana.
Flest farsímafyrirtæki hafa samið við önnur fyrirtæki um símareiki fyrir viðskiptavini sína. Oft er rukkað sérstaklega fyrir að nota símann á reiki, sérstaklega sé maður erlendis, jafnvel þótt notandinn sé í áskrift.
Evrópusambandið ákvað að fella niður reikigjöld innan Evrópska efnahagssvæðisins frá júní 2017.[1] Bretland var innan þessa svæðis í byrjun, en datt út þegar Brexit tók gildi árið 2020. Árið 2023 var samið um að gjöldin féllu niður fyrir íbúa EES, en það var ekki tryggt á Íslandi fyrr en með nýrri reglugerð árið 2025.[2] Þetta gildir ekki um farsímanotkun á Grænlandi og í Færeyjum þar sem aukagjöld fyrir reiki velta á samningum farsímafyrirtækja.
Heimildir
[breyta | breyta frumkóða]- ↑ „Reikigjöld ættu að falla niður hjá íslensku símafyrirtækjunum á fimmtudag“. Vísir. 13. júní 2017.
- ↑ Hólmfríður Gísladóttir (11. ágúst 2025). „Bretland aftur inn í Reiki í Evrópu hjá Sýn, Símanum og Nova“. Vísir.
