Pétur Þorsteinsson
Pétur Þorsteinsson (fæddur 5. maí 1955) er fyrrum prestur Óháða safnaðarins í Reykjavík frá 1995 til 2025. Hann hefur auk þess starfað sem æskulýðsfulltrúi á Grund, dvalar- og hjúkrunarheimili, um árabil.
Hann er þekktur fyrir gamansöm orðasöfn sín og nýyrðasmíð. Söfnin hefur hann gefið út í Petrísk – íslensku orðabókinni. Hann hefur beitt sér fyrir málhreinsun og kallar sig allsherjarnýyrðaskáld eða forseta háfrónsku-málhreyfingarinnar á Íslandi, hreyfingar sem reynir að útrýma öllum tökuorðum í íslensku.
Pétur er einnig töframaður og einn af stofnfélögum Hins íslenska töframannagildis og hélt árlega galdramessur og gerningaguðsþjónustur í óháðu kirkjunni.