Norman Malcolm
| Norman Malcolm | |
|---|---|
| Persónulegar upplýsingar | |
| Fæddur | 1911 í Selden í Kansas |
| Svæði | Vestræn heimspeki |
| Tímabil | Heimspeki 20. aldar |
| Skóli/hefð | Rökgreiningarheimspeki |
| Helstu ritverk | Knowledge and Certainty; Dreaming and Skepticism; Thought and Knowledge |
| Helstu kenningar | Knowledge and Certainty; Dreaming and Skepticism; Thought and Knowledge |
| Helstu viðfangsefni | málspeki, hugspeki |
Norman Malcolm (1911 í Selden í Kansas – 1990) var bandarískur heimspekingur.
Malcolm lauk doktorsgráðu frá Harvard-háskóla. Árið 1938 dvaldi hann í Cambridge á Englandi þar sem hann kynntist Ludwig Wittgenstein. Hann sat fyrirlestra Wittgensteins um undirstöður stærðfræðinnar en vinátta hélst milli þeirra æ síðan. Árið 1940 tók þáði hann stöðu við Princeton-háskóla.
Malcolm gegndi herþjónustu á árum síðari heimsstyrjaldarinnar. Hann var í bandaríska sjóhernum á árunum 1942 til 1945. Að stríðinu loknu þáði hann kennslustöðu við Cornell-háskóla þar sem hann kenndi heimspeki í rúman áratug (1947-1958). Árið 1958 flutti Malcolm til Englands.
Malcolm er þekktur fyrir að halda því fram að heimspeki heilbrigðrar skynsemi og heimspeki hversdagsmáls séu ein og sama spekin. Hann var rammur andstæðingur kenninga G.E. Moores um þekkingu. Malcolm var ekki efahyggjumaður en honum þótti rök Moores gegn efahyggju bæði óskýr og ófullnægjandi.
Helstu rit
[breyta | breyta frumkóða]- Ludwig Wittgenstein: A Memoir
- Wittgenstein: A Religious Point Of View?
- Nothing Is Hidden: Wittgenstein's criticism of his early thought
- Problems of Mind: Descartes to Wittgenstein
- Knowledge and Certainty
- Consciousness and Causality (ásamt D.M. Armstrong)
- Memory and Mind
- Dreaming and Skepticism
- Wittgenstein: The Relation of Language to Instinctive Behaviour
- Thought and knowledge
- Wittgensteinian themes (Georg Henrik von Wright (ritstj.))