Myllumerki

Úr Wikipediu, frjálsa alfræðiritinu
Stökkva á: flakk, leita
Skilti á ráðstefnu með kassamerkinu #TimeToAct

Myllumerki, myllutengi eða kassamerki[1], er merki eða tagg sem er notað á samfélagsmiðlum og örbloggum sem auðveldar notendum að finna færslur um tiltekið þema eða umræðuefni. Myllumerki er lykilorð eða (stutt) lykilsetning sem fylgt er eftir með tákninu # (myllutákn). Myllumerkið er stafbila- og greinimerkjalaust og er samklesst myllutákninu. Það gerir fólki auðveldara að finna og tengjast því efni sem er tengt merkinu og taka þátt í umræðum um það með því að nota sama merki.

Myllumerkið er ein tegund lýsisgagnamerkja sem notuð eru í bloggum og samfélagsmiðlum á netinu, til dæmis Twitter, Instagram og Facebook. Kassamerki eru mjög oft notuð í umræðum um samfélagsleg mál og til að sýna samstöðu með fólki sem hefur orðið fyrir fordómum eða harmleik.

Heimildir[breyta | breyta frumkóða]

  1. Dæmi um notkun orðsins kassamerki: „Eiríkur Stefán er upphafsmaður #12stig en nú er það orðið vörumerki Vodafone“, skoðað þann 15. nóvember 2015.
Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.