Magnús Jónsson (veðurfræðingur)
Magnús Jónsson (fæddur á Sauðárkróki, 2. júlí 1948) er íslenskur veðurfræðingur. Hann lauk stúdentsprófi frá Menntaskólanum á Akureyri 1968 og 1. stigi í stærðfræði og sagnfræði við Háskóla Íslands 1970. Magnús stundaði nám í veðurfræði við háskólann í Uppsölum 1975-1977 og við háskólann í Stokkhólmi 1977-1979 (fil.kand) og sótti framhaldsnám í veðurfarsfræði við Uppsalaháskóla 1979. Hann gegndi starfi veðurstofustjóra frá ársbyrjun 1994 til ársloka 2008.
