Ljósufjallakerfið

Ljósufjöll eldstöðvakerfi merkt rautt á kortinu og megineldstöðin Ljósufjöll merkt með grænum þríhyrning. Gossprungur einning tilgreindar.

Ljósufjallakerfið er eitt af eldstöðvakerfum á Íslandi. Það liggur frá Snæfellsnesi og að Grábrók og dregur nafn sitt af Ljósufjöllum. Eldborg á Mýrum og Grábrók eru dæmi um eldfjöll í kerfinu. Allt saman er kerfið um 90 km langt. Ríflega 20 eldgos hafa orðið í Ljósufjallakerfinu eftir að ísöld lauk. Þar á meðal eru eldgosin sem mynduðu gígana Eldborg í Hnappadal og Grábrók í Norðurárdal. Síðasta eldgosið í Ljósufjallakerfinu varð snemma á landnámsöld við svonefnda Rauðhálsa í Hnappadal.

Um vorið 2021 fóru að mælast tíðir jarðskjálftar við Grjótárvatn þar sem skjálftar höfðu áður verið sjaldgæfir. Þessi virkni hélst áfram næstu ár en jókst svo verulega í ágúst 2024. Nokkrum sinnum hafa greinst smáskjálftahrinur á miklu dýpi sem hafa einkenni gosóróa, en það bendir til þess að þeir stafi af kvikuhreyfingum fremur en að um sé að ræða hefðbundna brotskjálfta í jarðskorpunni.

Tengill

• Hvað getið þið sagt mér um eldstöðvakerfið í Ljósufjöllum? - Vísindavefurinn

Tilvísanir

  Þessi grein er stubbur. Þú getur hjálpað til með því að bæta við greinina.