Leira (byggðarlag)
Leira eða Hólmsleira var bæjarhverfi á austanverðu Miðnesi á Suðurnesjum. Þar bjuggu fleiri um aldamótin 1800 en í Keflavík.[1] Þarna var mikið útræði og góðar lendingar fyrir árabáta. Tvö höfuðból voru þar: Stóri-Hólmur og Litli-Hólmur. Þar var reistur barnaskóli árið 1900. Hólmsberg er sunnan við Leiruna og greinir hana frá Keflavík. Þar liggja nú mörk Reykjanesbæjar og Suðurnesjabæjar. Í Leirunni er nú Hólmsvöllur, golfvöllur á vegum Golfklúbbs Suðurnesja.
