Laugarbakki

Laugarbakki
Byggðarkjarni
Laugarbakki í Miðfirði
Laugarbakki Staðsetning Laugarbakka
Hnit: 65°19′38.5″N 20°53′33.3″V
Land	Ísland
Landshluti	Norðurland vestra
Kjördæmi	Norðvestur
Sveitarfélag	Húnaþing vestra
Mannfjöldi  (2025)
• Samtals	78
Póstnúmer	531
Vefsíða	hunathing.is

Laugarbakki er þorp sem stendur rétt við þjóðveg 1 í Miðfirði í Vestur-Húnavatnssýslu. Þar bjuggu 78 manns 1. janúar 2025.

Laugarbakki skiptist í þrjá kjarna, stærsti og nyrsti kjarninn (sem liggur næst þjóðvegi 1) er m.a. með félagsheimili, sundlaug (sem hefur verið breytt í 2 heita potta) og verslun, mið-kjarninn samanstendur af nokkrum húsum, þar á meðal íbúðum fyrir aldraða, og loks er þriðji og syðsti kjarninn þar sem Hótel Laugarbakki stendur.

Eftir sameiningu hreppa og sveitarfélaga í Húnaþing vestra var grunnskólinn á Laugarbakka sameinaður grunnskóla Hvammstanga, starfsemi skólans var því skipt niður á þorpin tvö, þar sem eldri deildir voru á Laugarbakka, en yngri deildir á Hvammstanga. Hefur nú allt skólahald flust á Hvammstanga.

Þar sem áður var Laugarbakkaskóli en rekið þriggja stjörnu heilsárshótel, Hótel Laugarbakki. Félagsheimilið Ásbyrgi á Laugarbakka er vettvangur fjölmargra ættarmóta yfir sumartímann.

Í hlíðinni fyrir ofan Laugarbakka, í landi Reykja, er hitaveita. Hún er í eigu Hitaveitu Húnaþings vestra og sér bæði Laugarbakka og Hvammstanga fyrir heitu vatni.

Menning

• Tónlistarmaðurinn Ásgeir Trausti er frá Laugarbakka.
• Jaðartónlistarhátíðin Norðanpaunk er haldin í þorpinu.