Líffélag

Úr Wikipediu, frjálsa alfræðiritinu
Stökkva á: flakk, leita
Líffélag í hlíðum Mont Ventoux í Frakklandi þar sem fjaðurgras vex ásamt sópum og þyrnum sem eru étin af héra og hagamús sem aftur eru étin af ref og merði.

Líffélag kallast lifandi hluti hvers vistkerfis. Er þá átt við allar þær fjölmörgu og margvíslegu lífverur sem lifa á tilteknu svæði. Plöntur, hornsíli, mýlirfur og stökkkrabbar eru hluti af líffélagi í tjörn. Skordýr, fuglar, tré, öll smádýrin og aðrar plöntur mynda líffélag í vistkerfi skógarins. Þessar lífverur eru háðar hver annarri. Í eyðimörk eru skordýr og fuglar hluti af líffélagi og lifa þessar tegundir á plöntum. Önnur dýr, t.d. eðlur, nærast svo á eggjum fuglanna og einnig á skordýrum. Enn stærri dýr lifa svo á eðlunum. Plönturnar eru fæða plöntuætanna og hin dýrin lifa á plöntuætunum og öðrum dýrum. Það lifa ekki öll dýr í líffélagi á plöntum en þau dýr geta þó ekki lifað án plantanna. Plönturnar éta hins vega ekki neitt en þær þurfa engu að síður næringu eins og aðrar lífverur og hana fá þær með því að framleiða sjálfar næringu.

Heimild[breyta | breyta frumkóða]

  • Hurd D. o.fl. (1996) Einkenni lífvera. Hálfdán Ómar Háldanarson og Þuríður Þorbjarnardóttir þýddu og staðfærðu. Reykjavík. Námsgagnastofnun
  Þessi líffræðigrein er stubbur. Þú getur hjálpað til með því að bæta við greinina.