Knattspyrnukeppni heimssýningarinnar í París

Knattspyrnukeppni heimssýningarinnar í París eða Tournoi international de l'Exposition Universelle de Paris var alþjóðlegt mót sem fram fór í Frakklandi dagana 30. maí til 6. júní árið 1937 og haldið í tengslum við heimssýninguna í París það ár. Átta félagsliðum frá jafnmörgum löndum var boðið til keppni og var leitast við að fá sem allra sterkasta fulltrúa hverrar þjóðar. Keppnin var einn af undanförum Evrópukeppni meistararaliða á sjötta áratugnum.

Keppnislið

Félag	Land	Árangur í heimalandi
Austria Vín	Austurríki	2. sæti 1936-37
Bologna	Ítalíu	meistarar 1936-37
Chelsea	Englandi	13. sæti 1936-37
VfB Leipzig	Þýskalandi	bikarmeistarar 1936
Marseille	Frakklandi	meistarar 1936-37
Phöbus FC	Ungverjalandi	4. sæti 1936-37
Slavia Prag	Tékkóslóvakíu	meistarar 1936-37
Sochaux	Frakklandi	2. sæti 1936-37

Keppnin

Fyrsta umferð

30. maí
	Austria Vín	2-0	VfB Leipzig	Le Havre

30. maí
	Slavia Prag	2-1	Phöbus FC	Strasbourg

30. maí
	Chelsea	1-1	Marseille	Antibes
	Chelsea sigraði á hlutkesti

30. maí
	Bologna	4-1	Sochaux	París

Undanúrslit

3. júní
	Chelsea	2-0	Austria Vín	París

3. júní
	Bologna	2-0	Slavia Prag	Lille

Bronsleikur

6. júní
	Slavia Prag	2-0	Austria Vín	París

Úrslitaleikur

Bologna mætti fullt sjálfstrausts í úrslitaleikinn með lið skipað nokkrum leikmönnum frá Suður-Ameríku. Eftir rétt um hálftíma leik var staðan orðin 3:0 og úrslitin aldrei í hættu eftir það. Þótt Chelsea hefði ekki hafnað nema rétt fyrir neðan miðja deild í heimalandinu og hin liðin væru flest meistaralið í sínum löndum komu úrslitin talsvert á óvart og voru talin til marks um að ítölsk knattspyrna væri ekki lengur eftirbátur enska boltans.

3. júní
	Bologna	4-1	Chelsea	París Dómari: Lucien Leclercq, Frakklandi
	Carlo Reguzzoni 15, 31, 65, Giovanni Busoni 20		Sam Weaver 72

Heimildir

• Fyrirmynd greinarinnar var „Tournoi international de l'Exposition Universelle de Paris“ á ensku útgáfu Wikipedia. Sótt 1. apríl 2024.