Khan Academy
Khan Academy eru fræðslusamtök sem stofnuð voru árið 2008 af manni sem heitir Salman Khan. Hann fæddist í New Orleans, en foreldrar hans voru innflytjendur frá Bangladess og Indlandi. Hann er með þrjár háskólagráður, í stærðfræði, rafmagnsverkfræði og tölvunarfræði.[1][2][3]
Saga
[breyta | breyta frumkóða]Khan byrjaði á því að setja inn á Internetið stuttar útskýringar á viðfangsefnum stærðfræðinnar. Fyrst notaði hann Yahoo! Doodle Images til að setja inn efnið. Eini tilgangurinn með að útbúa skýringarnar var að útskýra betur stærðfræðina fyrir systkinabarni hans. Svo bættust fleiri systkinabörn hans í hópinn. Fljótlega spurðist þetta út og fleiri vildu fá að nota skýringarnar. Hann ákvað þá að gefa þær út á YouTube.
Í dag eru samtökin rekin að mestu fyrir fjármagn frá mannúðarsamtökum sem styðja aukið aðgengi að námsefni. Meðal annars hefur efni verið dreift á landsbyggðinni, á einangruðum svæðum í Asíu og Afríku þar sem mikill skortur er á námsefni. Þar er hægt að nota efnið án þess að vera á Internetinu. Á vef Khan Academy er að finna yfir 5000 skýringar um efni eins og stærðfræði, vísindi, sögu og bókmenntir. Búið er að þýða vefinn á nokkur tungumál.
Opið menntaefni
[breyta | breyta frumkóða]Allt efni á Khan Academy er gefið út undir merkjum Creative Commons (BY-NC-SA) 3.0 license og er þar af leiðandi skilgreint sem opið menntaefni. Opið menntaefni er skilgreint sem allt fræðsluefni sem hægt er að nálgast á internetinu til notkunar fyrir kennara og nemendur án þess að viðkomandi þurfi að greiða fyrir notkun eða aðgang.[4]
Tilvísanir
[breyta | breyta frumkóða]- ↑ Solomon, Ethan A. (6. desember 2011). „Sal Khan Is Commencement Speaker“. The Tech. Afrit af upprunalegu geymt þann 9 júní 2017. Sótt 6. desember 2011.
- ↑ Butcher, Ev. „Course Code Designation Key“. MIT Club of San Diego. Afrit af upprunalegu geymt þann 25 júlí 2011.
- ↑ Khan, Salman Amin (1998). Character segmentation heuristics for check amount verification (MEng thesis). Massachusetts Institute of Technology.
- ↑ Neil Butcher; Stamenka Uvalic-Trumbic, ritstjórar (2015). A Basic Guide to Open Educational Resources (PDF) (Report). UNESCO and Commonwealth of Learning.