Kevin De Bruyne
| Kevin De Bruyne | ||
.jpg)
| ||
| Upplýsingar | ||
|---|---|---|
| Fullt nafn | Kevin De Bruyne | |
| Fæðingardagur | 28. júní 1991 | |
| Fæðingarstaður | Drongen, Belgía | |
| Hæð | 1,81m | |
| Leikstaða | Miðjumaður | |
| Núverandi lið | ||
| Núverandi lið | Manchester City | |
| Númer | 17 | |
| Yngriflokkaferill | ||
| 1997-1999 1999-2005 2005-2008 |
KVV Drongen KAA Gent KRC Genk | |
| Meistaraflokksferill1 | ||
| Ár | Lið | Leikir (mörk) |
| 2008-2012 | KRC Genk | 97 (16) |
| 2012-2014 | Chelsea FC | 3 (0) |
| 2012-2013 | →SV Werder Bremen (lán) | 33 (10) |
| 2014-2015 | VfL Wolfsburg | 51 (13) |
| 2015- | Manchester City | 242 (65) |
| Landsliðsferill | ||
| 2008-2009 2009-2010 2010-2011 2010- |
Belgía U18 Belgía U19 Belgía U21 Belgía |
7 (1) 10 (1) 2 (0) 99 (26) |
|
1 Leikir með meistaraflokkum og mörk | ||
Kevin De Bruyne (fæddur 28. júní 1991 í Drongen, Belgíu) er belgískur knattspyrnumaður sem spilar sem miðjumaður með Manchester City og belgíska landsliðinu. Hann er mærður fyrir tækni sína, útsjónarsemi, sendingar og langskot.
De Bruyne hóf ferilinn með Genk í heimalandinu og var í sigurhópnum sem sigraði belgísku deildina 2010-2011. Árið 2012 gekk hann til liðs við Chelsea FC þar sem hann fékk lítið að spreyta sig og var lánaður til SV Werder Bremen. Árið 2014 fór hann til VfL Wolfsburg og árið 2015 var hann útnefndur fótboltamaður ársins í Þýskalandi en hann átti 21 stoðsendingu á tímabilinu 2014-2015 sem var nýtt met í Bundesligunni. Seinna það ár gekk hann til liðs við Manchester City. Kevin de Bruyne jafnaði met Thierry Henry með 20 sendingar á einu tímabili í úrvalsdeildinni tímabilið 2019-2020 en hann var einnig valinn leikmaður tímabilsins. Hann er í 2. sæti yfir flestar stoðsendingar í ensku úrvalsdeildinni.
Í maí 2022 skoraði De Bruyne 4 mörk á fyrstu 24 mínútunum gegn Wolverhampton Wanderers. Hann var valinn leikmaður tímabilsins 2021-2022. Tímabilin 2016-17, 2017–18, 2019–20 og 2022–23 varð hann stoðsendingahæstur í ensku úrvalsdeildinni.
De Bruyne hefur spilað með aðallandsliði Belgíu síðan 2010 og átti stóran þátt í að gera Belga að bronsliði á HM 2018. Hann talar hollensku, frönsku, þýsku og ensku. Móðir hans er ensk, fædd í Búrúndí.
Heimild
[breyta | breyta frumkóða]
- Fyrirmynd greinarinnar var „Kevin De Bruyne“ á ensku útgáfu Wikipedia. Sótt 10. feb. 2018.
