Kanó
Kanó eða eikja er opinn bátur sem er róið með róðrarspaða með einu árablaði. Kanóar voru áður höggnir úr trjábol (eintrjáningar) eða gerðir úr léttri trégrind sem er klædd með berki (barkarkeipur) eða skinni (húðkeipur). Nú til dags eru kanóar gerðir úr ýmsum efnum eins og striga, plasti og trefjaplasti. Kanóróður hefur verið ólympíugrein frá ólympíuleikunum 1936. Kanóar léku stórt hlutverk við landnám Kyrrahafsins og hjá frumbyggjum Norður-Ameríku.
Wikimedia Commons er með margmiðlunarefni sem tengist kanóum.
