Josh Dun
Josh Dun | |
|---|---|
.jpg) Dun með Twenty One Pilots árið 2022 | |
| Upplýsingar | |
| Fæddur | Joshua William Dun 18. júní 1988 Columbus, Ohio, BNA |
| Störf | Tónlistarmaður |
| Ár virkur | 2010–í dag |
| Maki | Debby Ryan (g. 2019) |
| Stefnur | |
| Hljóðfæri |
|
| Meðlimur í | Twenty One Pilots |
| Áður meðlimur í | House of Heroes |
Joshua William Dun (f. 18. júní 1988) er bandarískur tónlistarmaður. Hann er best þekktur fyrir að vera trommuleikari hljómsveitarinnar Twenty One Pilots þar sem hann spilar með Tyler Joseph. Einnig spilar hann á önnur ásláttarhljóðfæri, trompet og hljómborð.
Æska
[breyta | breyta frumkóða]Dun var fæddur í Columbus, Ohio. Hann á tvær systur og einn bróður. Hann byrjaði að æfa á trompet áður en hann ákvað að kenna sjálfum sér á trommur. Ein aðferð sem hann notaði við æfingar var að endurtaka takta sem hann heyrði í lögum.[1] Hann vann hjá Guitar Center í þrjú ár þar sem hann vann með fyrrverandi meðlim Twenty One Pilots, Chris Salih, sem seinna kynnti hann fyrir Tyler Joseph.[2]
Ferill
[breyta | breyta frumkóða]House of Heroes
[breyta | breyta frumkóða]Í mars 2010 byrjaði Dun í hljómsveitinni House of Heroes eftir að trommarinn, Colin Rigsby, tók sér hlé. Í stað Rigsby spilaði Dun undir mörgum lögum breiðskífunnar Suburba. Hann tók þátt í tónleikaferðalagi hljómsveitarinnar þangað til að Rigsby snéri aftur.[3]
Twenty One Pilots
[breyta | breyta frumkóða]Dun planaði upprunalega að flytja til Nashville, Tennessee til að sækjast eftir feril í trommuleik, en var stoppaður af þáverandi trommara Twenty One Pilots, Chris Salih, sem bauð honum plássið sitt. Hann spilaði undir á einum tónleikum með Tyler Joseph eftir að Salih og bassaleikarinn Nick Thomas yfirgáfu sveitina. Þeir spiluðu eitt lag áður en lögreglan aflýsti sýningunni. Eftir það varð Dun varanlegur meðlimur hljómsveitarinnar. Hann hefur unnið í öllum breiðskífum hennar frá árinu 2011. Dun og Joseph skrifuðu undir plötusamning hjá Fueled By Ramen árið 2012. Þeir hlutu Grammy verðlaun árið 2017 í flokknum besti poppflutningur tvíeykis/hóps.[4]
Einkalíf
[breyta | breyta frumkóða]Bæði Dun og Tyler Joseph eru með „X“ húðflúr sem þeir létu tattóvera á sig á sviði. Merkið táknar tileinkun þeirra til aðdáenda þeirra í Columbus, Ohio.[5] Dun byrjaði í sambandi með leikkonunni Debby Ryan árið 2013 og voru þau gift þann 31. desember 2019.[6]
Sjá einnig
[breyta | breyta frumkóða]Tilvísanir
[breyta | breyta frumkóða]- ↑ „Mass Attack: Interview with twenty one pilots“. Ones to Watch. 12. nóvember 2013. Sótt 11. febrúar 2017.
- ↑ „Vessel: Chatting With Twenty One Pilots' Tyler Joseph, Plus Reintroducing The Johnny Stallings Arts Program and Six Market Blvd“. Huffington Post. 14. janúar 2013. Sótt 26. júní 2014.
- ↑ „House of Heroes Band Changes“. Stereo Truth. 3. mars 2010. Afrit af upprunalegu geymt þann 4. janúar 2011. Sótt 27. júní 2014.
- ↑ „Twenty One Pilots“. The Recording Academy. Sótt 16. október 2017.
- ↑ „Twenty One Pilots Show Off Their Favorite Tattoos“. MTV.com. Afrit af upprunalegu geymt þann 21. október 2016. Sótt 2. júlí 2014.
- ↑ Macon, Alexandra. „Actress Debby Ryan and Twenty One Pilots' Joshua Dun Planned Their Whirlwind Austin Wedding in Just 28 Days“. Vogue (enska). Sótt 21. maí 2020.
Tenglar
[breyta | breyta frumkóða]
