Joni Mitchell

Roberta Joan "Joni" Mitchell (fædd 7. nóvember, 1943, í Fort Macleod, Alberta, Kanada, með ættarnafnið Anderson) er kanadísk tónlistarkona og listamaður. Textagerð hennar hefur spannað frá umhverfismálum til tilfinningaróts.

Mitchell hóf að syngja í klúbbum í Saskatchewan og vestur-Kanada. Árið 1965 flutti hún til Bandaríkjanna og túraði um landið. Sama ár gaf Mitchell dóttur sína til ættleiðingar en það varð ekki opinberlega ljóst fyrr en árið 1993. Lög hennar Big Yellow Taxi og Woodstock voru vinsæl á hippatímabilinu. Í upphafi var tónlist hennar þjóðlagaskotin en síðar færðist hún meira í ætt við jazz og popptónlist.

Mitchell gaf út sína síðustu plötu árið 2007 og hætti að koma fram í tónlist en ástundaði myndlist.

Árið 2015 fékk hún heilablóðfall og fór í endurhæfingu. Árið 2022 kom hún fyrst opinberlega fram í fjölda ára og söng nokkur lög á Newport Folk Festival á Rhode Island.

Breiðskífur

1968: Song to a Seagull
1969: Clouds
1970: Ladies of the Canyon
1971: Blue
1972: For the Roses
1974: Court and Spark
1975: The Hissing of Summer Lawns
1976: Hejira
1977: Don Juan's Reckless Daughter
1979: Mingus
1982: Wild Things Run Fast
1985: Dog Eat Dog
1988: Chalk Mark in a Rain Storm
1991: Night Ride Home
1994: Turbulent Indigo
1998: Taming the Tiger
2000: Both Sides Now
2002: Travelogue
2007: Shine

Heimild

Fyrirmynd greinarinnar var „Joni Mitchell“ á ensku útgáfu Wikipedia. Sótt 23. nóv. 2016.