John D. Rockefeller
Jump to navigation
Jump to search
| John D. Rockefeller | |
 Rockefeller árið 1885. | |
| Fæddur | 8. júlí 1839 Richford, New York, Bandaríkjunum |
|---|---|
| Látinn | 23. maí 1937 (97 ára) Casements-setri, Ormond Beach, Flórída, Bandaríkjunum |
| Þjóðerni | Bandarískur |
| Starf/staða | Athafnamaður |
| Maki | Laura Spelman (g. 1864; d. 1915) |
| Börn | Elizabeth, Alice, Alta, Edith og John Jr. |
| Stjórnmálaflokkur | Repúblikanaflokkurinn |
John Davison Rockefeller (8. júlí 1839 – 23. maí 1937) var bandarískur iðnrekandi og auðkýfingur. Hann stofnaði olíufyrirtækið Standard Oil (S.O.), sem á sínum tíma var stærsta olíufyrirtæki heims. Rockefeller gjörbylti bæði olíuiðnaðinum og fjárveitingum til góðgerðarmála. Ef tekið er tillit til gengisbreytinga og kaupmáttarsveiflu er hann oft talinn ríkasti maður sögunnar.[1][2][3][4]
Rockefeller settist í helgan stein árið 1897 og varði elliárunum í kerfisbundnar fjárveitingar til góðgerðarmála. Hann kom á fót menntastofnunum eins og Chicago-háskóla og Rockefeller-háskóla og ýmsum rannsóknarstofnunum, sem höfðu mikil áhrif á þróun læknisfræði og vísinda.
Rockefeller var alla tíð bindindismaður. Hann átti fjórar dætur og einn son.
Tilvísanir[breyta | breyta frumkóða]
- ↑ „Top 10 Richest Men Of All Time“. AskMen.com. Sótt 29. maí 2007.
- ↑ „The Rockefellers“. Public Broadcasting Service (PBS). Sótt 29. maí 2007.
- ↑ „The Richest Americans". . (Fortune). Skoðað 17. júlí2007.
- ↑ „The Wealthiest Americans Ever". . (The New York Times). 15. júlí 2007. Skoðað 17. júlí2007.
Heimildir og ítarefni[breyta | breyta frumkóða]
- Chernow, Ron. Titan: The Life of John D. Rockefeller, Sr. (Warner Books, 1998).
- Collier, Peter, and David Horowitz. The Rockefellers: An American Dynasty (Holt, Rinehart and Winston, 1976).
- Goulder, Grace. John D. Rockefeller: The Cleveland Years (Western Reserve Historical Society, 1972).
