Jónas Sigurðsson
Jónas Sig | |
|---|---|
| Fæddur | Jónas Sigurðsson 5. apríl 1974 Reykjavík,  Íslandi |
| Ár virkur | 1993 – í dag |
| Stefnur | Popp, Rafpopp |
| Útgáfufyrirtæki | Aþþol Sjálfsútgáfa Cod Music Alda Music |
| Samvinna | Lúðrasveit Þorlákshafnar Ritvélar Framtíðarinnar Sólstrandargæjarnir |
| Vefsíða | Fésbókarsíða |
Jónas Sigurðsson einnig þekktur Jónas Sig (fæddur 1974) er íslenskur söngvari, lagahöfundur og tónlistarmaður.
Ferill
[breyta | breyta frumkóða]Jónas Sigurðsson kom fyrst fram á sjónarsviðið með Sólstrandargæjunum, sem vöktu athygli á tíunda áratugnum og áttu slagarann Rangur maður. Eftir hlé frá tónlist og búsetu erlendis sneri hann aftur sem sólólistamaður með plötunni Þar sem malbikið svífur mun ég dansa, sem vakti athygli árið 2007. [1] [2]
Árið 2010 gaf hann út plötuna Allt er eitthvað og fylgdi henni eftir með hljómsveitinni Ritvélum framtíðarinnar. [3] Árið 2012 kom út platan Þar sem himin ber við haf, sem var unnin í samstarfi við Lúðrasveit Þorlákshafnar og tengdist uppvexti hans í Þorlákshöfn og lífi við sjóinn. [4] Jónas hélt það ár tónlistarmaraþon þar sem hann spilaði 18 tónleika á 20 dögum. [5]
Síðar sendi Jónas frá sér lög á borð við Af ávöxtunum skuluð þið þekkja þá og Vígin falla, sem fengu mikla spilun í íslensku útvarpi og var fyrrnefnda lagið það mest spilaða á Rás 2 árið 2015 [6] [7]. Árið 2018 kom út platan Milda hjartað, sem hlaut góða umfjöllun og viðurkenningar. [8], [9]. Umslag plötunnar var valið umslag ársins á Íslensku tónlistarverðlaununum [10] En platan fékk 5 tilnefningar á verðlaununum [11] Jónas hlaut einnig Krókinn, viðurkenningu Rásar 2 fyrir framúrskarandi lifandi tónlistarflutning árið 2018. [12]
Útgáfur
[breyta | breyta frumkóða]Breiðskífur
[breyta | breyta frumkóða]- Þar sem malbikið svífur mun ég dansa (2007)
- Allt er eitthvað (2010)
- Þar sem himin ber við haf (2012)
- Milda hjartað (2018)
Smáskífur
[breyta | breyta frumkóða]- "Þyrnigerðið" (2010)
- "Hafið er svart" (með Lúðrasveit Þorlákshafnar, 2014)
- "Af ávöxtunum skuluð þið þekkja þá" (2015)
Ritvélar Framtíðarinnar
[breyta | breyta frumkóða]- Stefán Örn Gunnlaugsson (hljómborð)
- Ingi Björn Ingason (bassi)
- Ómar Guðjónsson (gítar)
- Rósa Guðrún Sveinsdóttir (saxófónn, bakraddir)
- Steinar Sigurðarson (saxófónn)
- Snorri Sigurðarson og Kjartan Hákonarson (trompet)
- Samúel Jón Samúelson (trombóna)
- Kristinn Snær Agnarsson (trommur)
- Kristjana Stefánsdóttir (glockenspiel, slagverk og bakraddir).
Tilvísanir
[breyta | breyta frumkóða]- ↑ Trommutaktar og lúðrar Vísir
- ↑ Skuldir, þunglyndi, alkóhólismi og Danmörk Rúv, skoðað 2. janúar 2020
- ↑ Fyrsta upplag uppselt Vísir
- ↑ Firnasterkur höfundur Vísir
- ↑ 18 tónleikar á 20 dögum Rúv
- ↑ 100 mest spiluðu lögin: Jónas Sig á toppnum Rúv
- ↑ Jónas Sig og Ritvélar framtíðarinnar á toppnum Rúv
- ↑ Jónas Sig - Milda hjartað Rúv
- ↑ Milda hjartað er sterka hjartað Rúv
- ↑ Milda hjartað plötuumslag ársins Rúv
- ↑ Jónas og Milda hjartað með fimm tilnefningar Hafnarfréttir
- ↑ Að vera kjaftfor en með milt hjarta Rúv