Hótel Saga

Úr Wikipediu, frjálsa alfræðiritinu
Jump to navigation Jump to search

Hótel Saga eða Radisson Blu Saga Hotel er hótel í Vesturbæ Reykjavíkur.

Hótelið er í eigu Bændasamtakanna en framkvæmdir hófust við byggingu þess árið 1956. Það var tekið í notkun árið 1962. Viðbygging var byggð norðan við húsið og lauk framkvæmdum 1985. Á Hótel Sögu eru 235 herbergi [1], tíu funda- og veislusalir og tveir veitingastaðir. Súlnasalur þeirra stærstur. Skrifstofur Bændasamtakanna eru á þriðju hæð hótelsins. Veitingastaðurinn Grillið er efst. Einnig eru meðal annars starfrækt í húsinu rakari, barir, hárgreiðslustofa, líkamsræktarsalur, bankaútibú og ráðstefnudeild. [2]

Árið 2018 var opnað þar pósthús á neðstu hæð sem þjónar 101, 107 og 170 hverfum (og kom í stað pósthúsa við Pósthússtræti og Eiðistorg).

Ýmsir þjóðhöfðingjar og þekktir tónlistarmenn hafa dvalið á hótelinu.

Tilvísanir[breyta | breyta frumkóða]

  1. Tveir gestir á Hótel Sögu en 235 herbergi Rúv, skoðað 27. apríl 2020
  2. Hótel saga Bændasamtök Íslands, skoðað 24. okt, 2018.