Hólsari

Hólsari er stuðningmaður ÍBV á Hásteinsvelli í Vestmannaeyjum.
Í fleirtölu hólsarar. Hólsarar er þéttur kjarni stuðningsmanna er stendur alltaf uppá hólnum suðvestan megin við Hásteinsvöll.

„Hóllinn er líklega þekktasta stuðn­ingsmannagreni á knatt­spyrnuvöllum á Íslandi og mörg dæmi um að „leiðbeiningar“ af Hólnum hafi ruglað dómara við dómgæslu. Kveður svo rammt að þessu að það eru margir dómarar sem fara aldrei inn á vallarfjórðunginn næst Hólnum.“

Í textanum í lagi ÍBV frá 1997 „Komum fagnandi“ er eftirfarandi tilvitnun:

„Knattspyrnumenn Eyjamanna njóta góðs af því

að nóg er af ráðleggingum frá spyrnufróðum spekingum.

Fremstur er í flokki þar og hvers manns hugljúfi

hinn dæmigerði Hólsari“.