Flokkur:Kóraninn

Kóran (arabíska القرآن‎ al-qur’ān, e. Qur'an eða Koran, fr. Curan) merkir „upplestur“ eða „framsögn“ og er helgasta rit íslamstrúar. Samkvæmt almennri trú múslima er Kóraninn hið óbrenglaða orð Allah, sem var opinberað spámanninum Múhameð í gegnum erkiengilinn Gabríel. Kóraninn er talinn vera síðasta opinberun Guðs til mannkynsins og á að gilda til dómdags, borinn fram orðrétt eins og Allah mælti.

Múslimar líta á Kóraninns sem æðstu ritninguna og leggja hann ofar öllum lögum manna. Trúin er sú að núverandi texti Kóransins sé óbreyttur frá því sem Múhameð mælti upphaflega, orð fyrir orð, punkt fyrir punkt. Þar sem Múhameð var ólæs og óskrifandi er talið að hann hafi flutt Kóraninn munnlega, og hafi lærisveinar hans síðan skráð hann eftir minni.

Kóraninn er ritaður á svokallaðri trúarlegri arabísku, sem er talsvert frábrugðin nútíma arabísku.Rannsóknir hafa sýnt að í textanum er að finna fjölda tökuorða úr öðrum tungumálum.^[1] Sá sem talar og les nútíma arabísku skilur því ekki endilega trúarlega arabísku Kóransins án sérstakrar þjálfunar. Múslimum er oft kennt að kyrja eða söngla vers Kóranins utanbókar frá unga aldri. Kóraninn hefur þó verið þýddur á fjölda tungumála.

Sá sem lærir allan Kóraninn utanbókar er kallaður hafiz. Margir múslimar sem annars kunna ekki arabísku læra hluta af honum, eða jafnvel allan, utanbókar. Samkvæmt hefð verður hver múslimi að læra brot úr Kóraninum til að geta farið með daglegar bænir.

Wikimedia Commons er með margmiðlunarefni sem tengist Kóraninn.

1. ↑ Arthur Jeffery. The Foreign Vocabulary of the Qur’a. Oriental Institute, Baroda, India, 1938.