Fighting Shit
Fighting Shit | |
|---|---|
| Uppruni | Húsavík |
| Ár | 2003-2007 |
| Stefnur | Harðkjarnapönk |
| Útgefandi | Hryðjuverk records |
| Meðlimir | Kolbeinn Þór Þorgeirsson Þórir Georg Jónsson Loftur Einarsson Ingi Ernir Árnasson Ólafur Arnalds |
Fighting Shit var íslensk hljómsveit sem spilaði hratt harðkjarnapönk. Hljómsveitin var stofnuð árið 2003 og spilaði hún fyrst um sinn svokallað thrashcore en hefur með tímanum þróast út í að spila framsæknari harðkjarna.
Saga sveitarinnar[breyta | breyta frumkóða]
Árið 2003 langaði þá Kolbein Þór Þorgeirsson og Þóri Georg Jónsson að stofna harðkjarnahljómsveit sem spilaði hraðan og hráan harðkjarna. Fyrst um sinn deildu þeir húsnæði með íslensku pönk-sveitinni Innvortis og spilaði Þórir á trommur og Kolbeinn söng. Þeir fengu til liðs við sig Loft Einarsson á gítar, Ólaf Arnalds trommuleikara og loks Inga Erni Árnason, bassaleikara.
Nafn sveitarinnar varð til í gríni en hefur haldist frá fyrsta degi. Liðsmenn sveitarinnar segja það þó nokkuð táknrænt á vissan hátt þar sem við „berjumst öll við skít á hverjum degi“.
Þeir spiluðu sína fyrstu tónleika í Undirheimum FB með bandarísku harðkjarnasveitinni Stretch Arm Strong. Þar fluttu þeir lög af fyrstu plötu sinni, sem bar heitið Tuned For Thrash. Hún kom út árið 2003 og var gefin út af Hryðjuverk Records. Platan þótti hröð og lögin sutt, en stutt lög eru ofteinkennandi fyrir thrashcore tónlistarstefnuna.
Árið 2004 gáfu þeir svo út deiliskífu með metal-sveitinni Brothers Majere og bar hún titilinn Thrash vs. Metal.
Árið 2005 gáfu þeir svo út aðra deiliskífu með bresku sveitinni Dead After School og bar hún heitið Bothered. Á henni þóttu lögin nokkuð melódískari og framsæknari en áður. Skífan var gefin út af breska útgáfufyrirtækinu Cat N' Cakey Records.
Um vorið 2006 kom svo út það verk sem þykir framsæknast hingað til, „Forgotten Daughters, Abandoned Sons“. Sú pl ata var einnig gefin út af Cat N' Cakey Records.
Útgefið efni[breyta | breyta frumkóða]
- Tuned for Thrash (2003)
- Thrash vs. Metal (ásamt Brothers Majere, 2004)
- Bothered (ásamt Dead After School, 2005)
- Forgotten Daughters, Abandoned Sons (2006)
Meðlimir[breyta | breyta frumkóða]
- Kolbeinn Þór Þorgeirsson, söngur
- Þórir Georg Jónsson, gítar
- Loftur Einarsson, gítar
- Ingi Ernir Árnason, bassi
- Ólafur Arnalds, trommur
Heimild[breyta | breyta frumkóða]
- „Heimasíða Fighting Shit“. Sótt 18. maí 2006.