Eyjólfur Jónsson (ljósmyndari)

Úr Wikipediu, frjálsa alfræðiritinu
Jump to navigation Jump to search

Eyjólfur Jónsson (31. október 186929. júní 1944) var klæðskeri, kaupmaður, bankastjóri og ljósmyndari á Seyðisfirði. Hann er þekktastur fyrir ljósmyndir sem sýna líf fólks á Seyðisfirði og í nærsveitum á uppgangstímanum um aldamótin 1900. Lítill hluti ljósmyndasafns hans er varðveittur í Ljósmyndasafni Reykjavíkur en hluti þess brann og miklu var auk þess fargað.[1]

Æviágrip[breyta | breyta frumkóða]

Eyjólfur fæddist á bænum Kóngsparti í Sandvík í Norðfjarðarhreppi. Eldri bróðir hans var Stefán Th. Jónsson, kaupmaður og útgerðarmaður á Seyðisfirði. Eyjólfur nam klæðskeraiðn í Stafangri í Noregi og síðan ljósmyndun í Kaupmannahöfn.[2] Hann stofnaði ljósmyndastofu á Seyðisfirði 1893 og rak þar klæðskeraverkstæði að auki. Hann var kosinn í bæjarstjórn 1897 og sat þar til 1937. Þegar Íslandsbanki var stofnaður 1904 varð hann útibússtjóri á Seyðisfirði. Hann var skipaður sænskur vararæðismaður fyrir Austurland árið 1921.

Tilvísanir[breyta | breyta frumkóða]

  1. „Eyjólfur Jónsson (1869-1944) - Svipmyndir frá Austurlandi“. Ljósmyndasafn Reykjavíkur. Sótt 18. desember 2014.
  2. Sig. Arngrímsson (1944). Minningarorð. Bankablaðið 2 tbl. (1. 12. 1944): 74-75. (Tímarit.is)
Wiki letter w.svg  Þessi grein er stubbur. Þú getur hjálpað til með því að bæta við greinina.