Edda Falak

Edda Falak Yamak (f. 1991) er íslenskur, hlaðvarpsstjórnandi, íþróttakona og áhrifavaldur. Hún hafði frá mars 2021 til 2023 stýrt hlaðvarpsþáttunum Eigin konum.

Edda er fædd á Ítalíu en á íslenska móður og líbanskan föður. Hún gekk í Háskóla Íslands en flutti síðan til Danmerkur og segist hafa útskrifast með mastersgráðu frá Viðskiptaháskólanum í Kaupmannahöfn.

Á svipuðu tímabili hóf Edda að æfa CrossFit og lenti á verðlaunapalli á fyrsta CrossFit-móti sínu. Hún sneri heim til Íslands árið 2020 og fékk brátt mikið fylgi á samfélagsmiðlum sem CrossFit-iðkandi, auk þess sem hún birti margar færslur um mataræði og reyndi að stuðla að jákvæðri líkamsímynd kvenna og stúlkna.

Edda hætti störfum hjá fjölmiðlinum Heimildinni í mars árið 2023 eftir ábendingar um að hún hefði logið um starfsferil sinn hjá fjármálafyrirtækjum í Danmörku tveimur árum fyrr.

Málsókn var höfðað gegn Eddu af móður viðmælanda í þættinum Eigin konur vegna birtingar á hljóðupptöku af viðkvæmu samtali þeirra. Héraðsdómur dæmdi í hennar óhag, varðandi brot á friðhelgi einkalífsins, og hún þarf að greiða 400.000 krónur í miskabætur og 900.000 krónur í málskostnað.

Upp kom að meðstofnendur hlaðvarpsins Eigin konur (Fjóla Sigurðardóttir og Davíð Goði Þorvarðarson) höfðu ekki fengið greitt fyrir vinnu sína við þáttinn. Sögðu þau að Edda hafi lokað fyrir aðgengi þeirra að miðlum tengdum hlaðvarpinu svo sem Patreon, YouTube, Spotify o.fl. og að þau hafi aldrei fengið greiðslur fyrir vinnu sína. Höfðuðu þau mál á hendur Eddu vegna málsins sem ekki hefur verið leyst.

Hafði hlaðvarpsþátturinn mikil áhrif á samfélagsumræðuna og gerði Edda samstarfssamning við fjölmiðilinn Stundina, sem síðar varð Heimildin þar sem hún starfaði á ritsjórn blaðsins meðfram hlaðvarpsstörfum.