Charles Joseph Minard
Charles Joseph Minard (27. mars 1781 – 24. október 1870 í Bordeaux í Frakklandi) var franskur verkfræðingur og brautryðjandi á sviði hönnunar skýringarmynda.
Minard fæddist í Dijon og lærði stærðfræði við École polytechnique skammt frá París. Hann starfaði sem verkfræðingur við hönnun stíflna, skurða og brúa um alla Evrópu. Hann var skipaður í stöðu við École Polytechnique árið 1830, þá tæplega fimmtugur að aldri, þar sem hann starfaði sem í sex ár. Þá tók hann við stöðu sem skoðunarmaður brúa og vega til ársins 1851 en þá settist hann í helgan stein.
Árið 1869 gaf hann út skýringarkort (f. Carte figurative des pertes successives en hommes de l'Armée Française dans la campagne de Russie 1812-1813, sjá mynd) sem sýndi vegferð hers Napóleons 1812 til Rússlands. Á því korti kemur fram
- staðsetning hersins og stærð, hvar stakar herdeildir skiptu liði og mættust á ný
- hvernig mannfall var
- hversu lágt hitastigið var er herinn hörfaði
Vísindamaðurinn Étienne-Jules Marey veitti korti Minards strax athygli og sagði kortið segja skýrari sögu en penna sagnfræðingsins. Edward Tufte segir kortið hugsanlega vera bestu myndrænu framsetningu á gögnum fyrr og síðar í bók sinni The Visual Display of Quantitative Information.
Tenglar
[breyta | breyta frumkóða]- Þýðing á dánartilkynningu Minards Geymt 16 mars 2010 í Wayback Machine, á vef Edwards Tufte
- Um skýringarrit Minards, á vef Edwards Tufte
- The Graphic Works of Charles Joseph Minard Geymt 25 apríl 2009 í Wayback Machine, Michael Friendly, York University (Ontario) Department of Mathematics and Statistics
- Minard biography, Michael Friendly
