Bjarni Felixson

Bjarni Felixson
Bjarni Fel á KR-vellinum að lýsa leik KR og Breiðabliks fyrir Rás 2
Fæddur	27. desember 1936 (1936-12-27) Reykjavík, Ísland
Þjóðerni	Íslendingur
Störf	Íþróttafréttamaður, knattspyrnumaður

Bjarni Felixson (f. 27. desember 1936), einnig þekktur sem Bjarni Fel og Rauða Ljónið, er fyrrverandi knattspyrnumaður og íþróttafréttamaður. Hann lék knattspyrnu með Knattspyrnufélagi Reykjavíkur á sínum yngri árum og varð fimm sinnum Íslandsmeistari með liðinu og sjö sinnum bikarmeistari. Bjarni lék 6 A-landsliðsleiki fyrir íslenska landsliðið.

Bjarni lýsti um áratuga skeið íþróttaviðburðum og hlaut fyrir störf sín heiðursskjöld frá KSÍ árið 2004. Árið 2008 var opnaður sportbar sem nefndur var Bjarni Fel Sportsbar í höfuðið á Bjarna.

Meistaraflokksferill

Bjarni lék með Knattspyrnufélagi Reykjavíkur frá 1956 til 1968 þar sem hann lék stöðu vinstri bakvarðar. Hann var ekki þekktur sem mikill sóknarmaður og skoraði einungis 2 mörk á ferlinum. Í viðtali við Morgunblaðið árið 1997 sagði Bjarni um seinna markið sitt að eftir að hann hafði hálfvegis hlaupið með boltann á maganum framhjá markverði Fram og inní markið hefði markvörðurinn muldraði með sér "Ég vissi að ég hefði átt að hætta í fyrra".

Bræður Bjarna, Hörður og Gunnar, léku báðir með KR og íslenska landsliðinu. Árið 1963 léku allir þrír bræðurnir tvo leiki með Íslandi á móti enska landsliðinu.

Ferill sem fréttamaður

Bjarni vann sem íþróttafréttamaður hjá RÚV í 42 ár og var aðal hvatamaðurinn á að koma ensku knattspyrnunni á sjónvarpsskjáinn hjá landsmönnum. Hann varð vitni að harmleiknum á Hillsborough leikvanginum þegar 96 manns létu lífið í troðningi í áhorfendastúkunni, en hann var þar að lýsa leik Liverpool og Nottingham Forest.

Titlar

• Íslandsmeistari: (5)

• 1959, 1961, 1963, 1965, 1968

• Bikarmeistari: (7)

• 1960, 1961, 1962, 1963, 1964, 1966, 1967