Bjarni Felixson

Úr Wikipediu, frjálsa alfræðiritinu
Jump to navigation Jump to search
Bjarni Felixson

Bjarni Fel á KR-vellinum að lýsa leik KR og Breiðabliks fyrir Rás 2
Fæddur 27. desember 1936 (1936-12-27) (85 ára)
Reykjavík, Ísland
Þjóðerni Íslendingur
Starf/staða Íþróttafréttamaður, knattspyrnumaður

Bjarni Felixson(Fæddur 27. desember 1936) , einnig þekktur sem Bjarni Fel og Rauða Ljónið,[1] er fyrrverandi knattspyrnumaður og íþróttafréttamaður.[2][3] Hann lék knattspyrnu með Knattspyrnufélagi Reykjavíkur á sínum yngri árum[4] og varð fimm sinnum Íslandsmeistari með liðinu og sjö sinnum bikarmeistari. Bjarni lék 6 A-landsliðsleiki fyrir íslenska landsliðið.[5]

Bjarni lýsti um áratuga skeið íþróttaviðburðum og hlaut fyrir störf sín heiðursskjöld frá KSÍ árið 2004. Árið 2008 var opnaður sportbar sem nefndur var Bjarni Fel Sportsbar í höfuðið á Bjarna.[6]

Meistaraflokksferill[breyta | breyta frumkóða]

Bjarni lék með Knattspyrnufélagi Reykjavíkur frá 1956 til 1968 þar sem hann lék stöðu vinstri bakvarðar. Hann var ekki þekktur sem mikill sóknarmaður og skoraði einungis 2 mörk á ferlinum. Í viðtali við Morgunblaðið árið 1997 sagði Bjarni um seinna markið sitt að eftir að hann hafði hálfvegis hlaupið með boltann á maganum framhjá markverði Fram og inní markið hefði markvörðurinn muldraði með sér "Ég vissi að ég hefði átt að hætta í fyrra".[5]

Bræður Bjarna, Hörður og Gunnar, léku báðir með KR og íslenska landsliðinu. Árið 1963 léku allir þrír bræðurnir tvo leiki með Íslandi á móti enska landsliðinu.[5]

Ferill sem fréttamaður[breyta | breyta frumkóða]

Bjarni vann sem íþróttafréttamaður hjá RÚV í 42 ár[7] og var aðal hvatamaðurinn á að koma ensku knattspyrnunni á sjónvarpsskjáinn hjá landsmönnum.[3][8] Hann varð vitni að harmleiknum á Hillsborough leikvanginum þegar 96 manns létu lífið í troðningi í áhorfendastúkunni, en hann var þar að lýsa leik Liverpool og Nottingham Forest.[9][10][11]

Titlar[breyta | breyta frumkóða]

  • Bikarmeistari: (7)
  • 1960, 1961, 1962, 1963, 1964, 1966, 1967

Heimildir[breyta | breyta frumkóða]

  1. „"Rauða Ljónið" í landsliðinu". Tíminn. 6. júlí 1962.: 12-13. Skoðað 26. apríl 2021.
  2. Jóhann Óli Eiðsson 27. desember 2016, „Bjarni Felixson áttræður: Fagnaði afmælinu oft í vinnunni". Vísir.is. Skoðað 25. apríl 2021.
  3. 3,0 3,1 Scott Murray 26. mars 2016, „Bjarni Fel: the legend who brought football to warm the heart of Iceland". The Guardian. (Enska) Skoðað 25. apríl 2021.
  4. „Ég held með Dönum". Dagblaðið Vísir. 7. júní 1986.: 12. Skoðað 26. apríl 2021.
  5. 5,0 5,1 5,2 Magnús Orri Schram 23. febrúar 1997, „Tek einn leik fyrir í einu". Morgunblaðið.: B8-B9. Skoðað 25. apríl 2021.
  6. Trausti S. Kristjánsson 23. september 2008, „Hélt að um grín væri að ræða". 24 Stundir.: 30. Skoðað 26. apríl 2021.
  7. Eiríkur Stefán Ásgeirsson 10. júní 2010, „Bjarni Fel í KR-útvarpinu í kvöld". Vísir.is. Skoðað 26. apríl 2021.
  8. Viðar Guðjónsson 15. ágúst 2014, „Fiðringur kominn í Bjarna Fel". Morgunblaðið. Skoðað 26. apríl 2021.
  9. Kristín Sigurðardóttir og Bjarni Pétur Jónsson 16. apríl 2019, „Ég var lengi að jafna mig á þessu". RÚV. Skoðað 26. apríl 2021.
  10. Kristín Sigurðardóttir og Bjarni Pétur Jónsson 16. apríl 2019, „Maður sá að fólk var að deyja". RÚV. Skoðað 26. apríl 2021.
  11. Helgi Snær Sigurðsson 4. desember 2010, „Konungur Íslenskra íþróttafréttamanna". Morgunblaðið.: 56. Skoðað 26. apríl 2021.