Austur-Grænland
Austur-Grænland eða Tunu var eitt af þremur ömtum Grænlands til 31. desember 2008. Stjórn svæðisins var í Tasiilaq. Árið 2005 bjuggu þar um 3800 manns. Austan megin við Tunu er Grænlandshaf, Grænlandssund og Norður-Atlantshaf. Til vesturs er Kitaa (Vestur-Grænland) og til norðurs er Avannaa (Norður-Grænland). Í Tunu er stærsti þjóðgarður heims sem heitir Þjóðgarður Grænlands. Árið 1988 var þjóðgarðurinn stækkaður inn í Avannaa.