Tasiilaq

Úr Wikipediu, frjálsa alfræðiritinu
Stökkva á: flakk, leita

Hnit: 65°36′40″N 37°50′50″V / 65.61111°N 37.84722°V / 65.61111; -37.84722

Tasiilaq.
Tasiilaq í júní 2009.
Ströndin norðan við Tasiilaq

Tasiilaq er stærsti þéttbýlisstaður á austur-Grænlandi. Íbúafjöldi var árið 2013 um 2017 manns. Tasiilaq er aðal þéttbýliskjarni í sveitarfélaginu Ammassalik og annað af tveimur þorpum á 3000 km langri austurströnd Grænlands. Þorpið var áður nefnt Ammassalik en það nafn er nú einungis notað um sveitarfélagið. Á grænlensku þýðir nafnið „þorpið sem er við fjörðinn sem er eins og vatn“.

Þorpið er mjög einangrað, yfir veturinn er einungis hægt að komast þangað með þyrlu, hundasleða eða snjósleða. Frá júlí fram í nóvember kemur farskip um það bil fjórum sinnum með nauðsynjar.

Í Tasiilaq ber enn merki upphaflegrar menningar og lífskjara. Íbúar lifa einkum af veiðum og þjónustu. Það eru rúmlega hundrað ár frá því fyrstu Evrópumennirnir komu á svæðið, byggðu hús og stofnuðu þorpið.

Fólk hefur nýlega flust frá smærri, nálægum byggðum til Tasiilaq og hefur sú fjölgun valdið atvinnuleysi (sem var um 30% árið 2016) og húsnæðisskorti.[1]

Flugfélag Íslands flýgur frá Reykjavík til Kulusuk yfir sumartímann. Frá Kulusuk er um það bil 15 mínútna þyrluflug til Tasiilaq.


Tenglar[breyta | breyta frumkóða]

Tilvísanir[breyta | breyta frumkóða]

  1. Yfirfullur bær á austur-Grænlandi Rúv. Skoðað 18. jan, 2016.