79

Árþúsund:	1. árþúsundið
Aldir:	1. öldin f.Kr. 1. öldin 2. öldin
Áratugir:	51–60 61–70 71–80 81–90 91–100
Ár:	76 77 78 79 e.Kr. 80 81 82

79 (LXXIX í rómverskum tölum) var 79. ár 1. aldar sem hófst á föstudegi samkvæmt júlíanska tímatalinu. Í Rómaveldi var árið þekkt sem ræðismannsár Ágústusar og Vespasíanusar eða sem árið 832 ab urbe condita. Talan 79 hefur verið notuð frá því á miðöldum þegar árin frá fæðingu Krists urðu ríkjandi tímatal í Evrópu.

Atburðir

• Vespasíanus Ágústus og Títus Caesar Vespasíanus urðu ræðismenn í Rómaveldi.
• 23. júní - Vespasíanus lést úr niðurgangi. Síðustu orð hans voru „ég held ég sé að breytast í guð“. Títus sonur hans tók við keisaratigninni.
• 24. ágúst - Eldgosið í Vesúvíusi 79: Vesúvíus gaus með þeim afleiðingum að bæirnir Pompeii, Herculaneum, Stabiae og Oplontis fóru í eyði.
• Gnaeus Julius Agricola hélt áfram herförum Rómverja í Bretlandi. Virkin Mamucium (Manchester) og Deva Victrix (Chester) voru reist.

Fædd

• He Hankeisari í Kína (d. 105).
• Ma Rong, kínverskur embættismaður (d. 166).

Dáin

• 23. júní - Vespasíanus, Rómarkeisari (f. 9).
• 16. ágúst - Ma keisaraynja (f. 40).
• 24. ágúst - Caesius Bassus, rómverskt skáld.
• 25. ágúst - Pliníus eldri, rómverskur rithöfundur (f. 23).