1483

Ár

Áratugir

1471–1480 – 1481–1490 – 1491–1500

Aldir

14. öldin – 15. öldin – 16. öldin

Árið 1483 (MCDLXXXIII í rómverskum tölum)

Á Íslandi

3. janúar - Þorleifur Björnsson hirðstjóri kom með lið til Reykhóla, þar sem Andrés Guðmundsson hafði búið um sig í virki. Menn Andrésar skutu úr byssum að mönnum Þorleifs svo að einn féll en margir særðust og hinir þurftu að leita skjóls í kirkju en innan fárra daga varð Andrés þó að gefast upp.
Apríl - Þorleifur Björnsson og Andrés Guðmundsson sættust fyrir milligöngu vestfirskra höfðingja og varð Andrés að gefa upp allt tilkall til eigna Guðmundar Arasonar föður síns.
Ásgrímur Sigmundsson var veginn í kirkjugarðinum í Víðidalstungu í brúðkaupi Jóns lögmanns bróður síns. Það varð kveikjan að Morðbréfamálinu rúmri öld síðar.

Janúar - Gyðingar voru reknir burt frá svæðum Andalúsíu sem stjórnað var af Kastilíu.
20. mars - Emíratið Granada sigraði langtum stærri her Kastilíu í orrustunni við Axarquía nálægt Malaga.
9. apríl - Játvarður 5. varð konungur Englands, tólf ára að aldri, en var komið fyrir í Tower of London, ásamt bróður sínum, Ríkharði hertoga af York. Þar var þeim ráðinn bani að skipunum föðurbróður þeirra, Ríkharði.
29. apríl - Konungsríkið Kastilía lagði undir sig eyjuna Gran Canaria á Kanaríeyjum.
18. maí - Hans var krýndur Danakonungur í Frúarkirkjunni í Kaupmannahöfn. Hann var síðar krýndur í Niðarósum sem konungur Noregs.
13. júní - Fyrsta aftakan fór fram í Tower of London þegar William Hastings var tekinn af lífi (Rósastríðin).
6. júlí - Ríkharður 3. var krýndur konungur Englands.
15. ágúst - Sixtínska kapellan var vígð.
30. ágúst - Eftir andlát Loðvíks 11. varð Karl 8. Frakkakonungur.
29. október - Orrustan við Una: Króatar unnu sigur á Ottómönum.
27. desember - Kyotoku-stríðið í Japan endaði eftir 29 ára átök milli sjógunata.