Sveitarfélagið Hornafjörður

Úr Wikipediu, frjálsa alfræðiritinu
Stökkva á: flakk, leita
Sveitarfélagið Hornafjörður
Skjaldarmerki sveitarfélagsins
Staðsetning sveitarfélagsins
Sveitarfélagsnúmer 7708
Kjördæmi Suðurkjördæmi
Flatarmál
 – Samtals
3. sæti
6.317,0 km²
Mannfjöldi
 – Samtals
 – Þéttleiki
20. sæti
2.167 (2014)
0,34/km²
Bæjarstjóri Ásgerður Kristín Gylfadóttir
Þéttbýliskjarnar Höfn (íb. 1.673)
Nes (Nesjahverfi) (íb. 83)
Póstnúmer 780, 781, 785
Vefsíða sveitarfélagsins

Hornafjörður er sveitarfélag á suðausturlandi. Sveitarfélagið varð til 6. júní 1998 við sameiningu allra sveitarfélaga Austur-Skaftafellssýslu: Hornafjarðarbæjar, Bæjarhrepps, Borgarhafnarhrepps og Hofshrepps.

Í sveitarstjórn í Hornafirði árið 2002-2006 átti Sjálfstæðisflokkurinn 3 menn, Framsóknarflokkurinn 3 og Krían, samtök óháðra og félagshyggjufólks 1 mann.

Í sveitarstjórnarkosningunum 2006 voru þrír flokkar í framboði, Sjálfstæðisflokkurinn, Framsóknarflokkurinn og Samfylkingin. Framsóknarflokkurinn fékk þrjá menn kjörna, en Sjálfstæðisflokkurinn og Samfylkingin tvo hvor flokkur. Framsóknarflokkur og Samfylking mynduðu meirihluta og varð Sjálfstæðisflokkurinn því í minnihluta í Hornafirði í fyrsta skipti í mörg ár.

Í sveitarstjórnarkosningunum 2010 voru fjórir flokkar í framboði, Sjálfstæðisflokkurinn, Framsóknarflokkurinn, Samfylkingin og Vinstrihreyfingin – grænt framboð. Framsóknarflokkurinn fékk fjóra menn kjörna og eru því með hreinan meirihluta. Sjálfstæðisflokkurinn fékk tvo menn kjörna og Samfylkingin einn. Vinstri grænir náðu ekki inn manni. [1]

Bæjarstjóri Sveitarfélagsins Hornafjarðar er Ásgerður Kristín Gylfadóttir.[2]

Heimildir[breyta]

  1. „Að afloknum sveitarstjórnarkosningum 2010“,
  2. „Bæjarstjóri“, skoðað þann 26.febrúar 2014.

Tenglar[breyta]