Borgarbyggð

Borgarbyggð

3609
Kjördæmi	Norðvesturkjördæmi
Flatarmál  – Samtals	6. sæti 4.926 km²
Mannfjöldi  – Samtals  – Þéttleiki	15. sæti 3.469 (2013) 0,7/km²
Bæjarstjóri	Páll S. Brynjarsson
Þéttbýliskjarnar	Borgarnes (íb. 1.894) Bifröst (íb. 264) Hvanneyri (íb. 304) Kleppjárnsreykir (íb. 52) Reykholt (íb. 23)
Póstnúmer	310, 311, 320
Vefsíða sveitarfélagsins

Stærsti þéttbýliskjarni Borgarbyggðar, Borgarnes séð frá Brákarey

Borgarbyggð er sameinað sveitarfélag á Vesturlandi með nokkrum þéttbýliskjörnum; Borgarnesi, Bifröst og Varmalandi og er stærsta sveitarfélag á Íslandi, sem stendur við sjó, en byggir ekki afkomu sína að neinu leyti á sjávarútvegi.

Sameining

Sveitarfélagið varð til þegar Borgarnesbær, Hraunhreppur, Norðurárdalshreppur og Stafholtstungnahreppur sameinuðust í eitt sveitarfélag 11. júní 1994. Síðar, 7. júní 1998, sameinuðust Álftaneshreppur, Borgarhreppur og Þverárhlíðarhreppur Borgarbyggð.

23. apríl 2005 var svo kosið um sameiningu við Borgarfjarðarsveit, Hvítársíðuhrepp, Kolbeinsstaðahrepp og Skorradalshrepp. Öll sveitarfélögin samþykktu sameiningu nema Skorradalshreppur, þar var kosið í annað sinn 4. júní sama ár og sameiningartillagan felld í annað sinn. Hin fjögur sveitarfélögin sameinuðust þó og tók sú sameining gildi 10. júní í kjölfar sveitarstjórnarkosninganna 2006.

Staðsetning

Borgarbyggð nær allt yfir alla Mýrasýslu og Borgarfjarðarsýslu norðan Skarðsheiðar að Skorradalshreppi undanskildum, það er að segja frá frá norðanverðum Skarðsheiði í suðri, að Eyja- og Miklaholtshreppi í norðri og að Holtavörðuheiði í austri.

Atvinnuvegir

Aðalatvinnuvegir Borgarbyggðar eru landbúnaður, þjónusta og iðnaður, (bygginga, málm og matvælaiðnaður). Meirihluti atvinnustarfsemi Borgarbyggðar fyrir utan landbúnað fer fram í Borgarnesi.

Menntun

Í Borgarbyggð eru þrír grunnskólar; Grunnskólinn í Borgarnesi, Grunnskólinn á Varmalandi, Grunnskóli Borgarfjarðar (varð til við sameiningu Grunnskólans á Kleppjárnsreykjum og Grunnskólans á Hvanneyri) og fjórir leikskólar (fimm með útibúi Klettaborgar í Bjargslandi, Borgarnesi), Klettaborg í Borgarnesi, Hraunborg á Bifröst, Andabær á Hvanneyri og Leikskólinn Varmalandi. Auk þess eru tveir háskólar í sveitarfélaginu, Háskólinn á Bifröst (áður Viðskiptaháskólinn og þar áður Samvinnuháskólinn Samvinnuskólinn) og Landbúnaðarháskóli Íslands (áður Landbúnaðarháskólinn á Hvanneyri og þar áður Bændaskólinn á Hvanneyri). Borgarbyggð á aðild að Fjölbrautaskóla Vesturlands á Akranesi og Menntaskóla Borgarfjarðar í Borgarnesi.

Sveitarstjórnarkosningar 2010

Borgarbyggð
Listar		Av	Av%	Ft	(Ft)	Δ
A	Svarti listinn	110	6,0	0	0	0
B	Framsóknarflokkurinn	456	24	2	3	-1
D	Sjálfstæðisflokkurinn	460	24	3	3	-
S	Samfylkingin	350	18,0	2	0	+2
V	Vinstri hreyfingin - grænt framboð	335	18,0	2	0	+2
	auðir og ógildir	181	10,1
Alls		1892	100	9	9	-
Á kjörskrá		2.491	Kjörsókn	76%

Meirihluta mynda fulltrúa Sjálfstæðisflokks og Vinstri Grænna undir forystu Páls Brynjarssonar bæjarstjóra. Oddviti Sjálfstæðisflokksins, B. Bjarki Þorsteinsson er formaður byggðarráðs og Ragnar Frank Daníelsson, oddviti Vinstri Grænna forseti bæjarstjórnar.

s·r·b

Sveitarfélög Íslands

Norðvesturkjördæmi
Akraneskaupstaður | Hvalfjarðarsveit | Skorradalshreppur | Borgarbyggð | Eyja- og Miklaholtshreppur | Snæfellsbær | Grundarfjarðarbær | Helgafellssveit | Stykkishólmsbær | Dalabyggð | Reykhólahreppur | Vesturbyggð | Tálknafjarðarhreppur | Bolungarvíkurkaupstaður | Ísafjarðarbær | Súðavíkurhreppur | Árneshreppur | Kaldrananeshreppur | Strandabyggð | Bæjarhreppur | Húnaþing vestra | Húnavatnshreppur | Blönduósbær | Höfðahreppur | Skagabyggð | Sveitarfélagið Skagafjörður | Akrahreppur

Norðausturkjördæmi
Fjallabyggð | Dalvíkurbyggð | Hörgársveit | Akureyrarkaupstaður | Eyjafjarðarsveit | Svalbarðsstrandarhreppur | Grýtubakkahreppur | Þingeyjarsveit | Skútustaðahreppur | Norðurþing | Tjörneshreppur | Svalbarðshreppur | Langanesbyggð | Vopnafjarðarhreppur | Fljótsdalshérað | Fljótsdalshreppur | Borgarfjarðarhreppur | Seyðisfjarðarkaupstaður | Fjarðabyggð | Breiðdalshreppur | Djúpavogshreppur

Suðurkjördæmi
Sveitarfélagið Hornafjörður | Skaftárhreppur | Mýrdalshreppur | Rangárþing eystra | Rangárþing ytra | Ásahreppur | Vestmannaeyjabær | Flóahreppur | Sveitarfélagið Árborg | Skeiða- og Gnúpverjahreppur | Hrunamannahreppur | Bláskógabyggð | Grímsnes- og Grafningshreppur | Hveragerðisbær | Sveitarfélagið Ölfus | Grindavíkurkaupstaður | Sandgerðisbær | Sveitarfélagið Garður | Reykjanesbær | Sveitarfélagið Vogar

Suðvesturkjördæmi
Hafnarfjarðarkaupstaður | Garðabær | Sveitarfélagið Álftanes | Kópavogsbær | Seltjarnarneskaupstaður | Mosfellsbær | Kjósarhreppur

Reykjavíkurkjördæmi suður og Reykjavíkurkjördæmi norður
Reykjavík

  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.