Jökulsárlón

Úr Wikipediu, frjálsa alfræðiritinu
Stökkva á: flakk, leita

64°03′08″N 16°21′37″V / 64.05222°N 16.36028°V / 64.05222; -16.36028

Jökulsárlón.

Jökulsárlón er lón við rætur Breiðamerkurjökuls. Jökulsá á Breiðamerkursandi rennur úr því. Samkvæmt nýlegum mælingum er Jökulsárlón dýpsta vatn á Íslandi.[1] Þar með er vatnið orðið dýpra en Öskjuvatn, sem áður var dýpsta vatn Íslands.[1] Öskjuvatn er 220 metrar á dýpt en að sögn Einars Benidikts Einarssonar, sem rekur bátaþjónustu fyrir ferðamenn á svæðinu, mældist dýpið í Jökulsárlóni 248 metrar niður á botn.

Jökulsárlón er ungt lón og hefur myndast eftir að Breiðamerkurjökull tók að hopa eftir 1933. Áður rann áin beint undan jökli og til sjávar. Breiðamerkursandur var fyrr á öldum töluvert breiðari en hann er nú; bæði hefur sjór brotið af honum og einnig náði jökullinn skemmra fram á sandinn. Þegar Eggert Ólafsson og Bjarni Pálsson fóru um sandinn 1756 töldu þeir um eina danska mílu (7,5 km) milli jökuls og sjávar. Á næstu áratugum skreið jökullinn mjög fram og þegar Sveinn Pálsson fór um sandinn 1794 taldi hann aðeins um 2 km milli jökuls og sjávar. Þegar jökullinn skreið fram hefur hann líklega grafið sig djúpt ofan í gljúp jarðlög og þegar hann fór að hopa aftur á 4. áratug 20. aldar myndaðist lón þar sem hann hafði grafið sig niður.

Panorama af Jökulsárlóni.

Tilvísanir[breyta]

  1. 1,0 1,1 „Jökulsárlón orðið dýpsta vatn landsins“, á Vísi.is 1. júlí 2009. (Skoðað 23. apríl 2010).

Tenglar[breyta]

Wikimedia Commons er með margmiðlunarefni sem tengist


  Þessi landafræðigrein sem tengist Íslandi er stubbur. Þú getur hjálpað til með því að bæta við greinina.