Árneshreppur

Úr Wikipediu, frjálsa alfræðiritinu
Stökkva á: flakk, leita
Árneshreppur
Skjaldarmerki sveitarfélagsins
Staðsetning sveitarfélagsins
Sveitarfélagsnúmer 4901
Kjördæmi Norðvesturkjördæmi
Flatarmál
 – Samtals
35. sæti
718,0 km²
Mannfjöldi
 – Samtals
 – Þéttleiki
74. sæti
53 (2014)
0,07/km²
Oddviti Oddný S. Þórðardóttir
Þéttbýliskjarnar Engir
Póstnúmer 524

Árneshreppur er nyrsta sveitarfélagið í Strandasýslu og afskaplega landmikið. Í suðri nær hreppurinn frá Spena undir Skreflufjalli á milli eyðibýlanna Kaldbaks og Kolbeinsvíkur og að norðanverðu að Geirólfsgnúp fyrir norðan Skjaldabjarnarvík.

Árneshreppur er stundum nefndur Víkursveit eftir búsældarlegasta hluta sveitarfélagsins, Trékyllisvík, og er það fornt nafn á hreppnum. Trékyllisvík var vettvangur hörmulegra atburða á tímum galdraofsókna á 17. öld, en þar voru þrír galdramenn brenndir árið 1654 í klettagjá sem kallast Kistan.

Á svæðinu urðu til vísar að þéttbýli á 20. öld í Kúvíkum, Gjögri og Djúpavík, einkum í tengslum við hákarlaveiðar og síldveiðar, og eru þar miklar menjar um atvinnulíf og mannlíf.

Verslunarstaður er í Norðurfirði, rekinn af Kaupfélagi Steingrímsfjarðar á Hólmavík.

Árneshreppur er fámennasta sveitarfélag Íslands með 54 íbúa 1. janúar 2013. Í sveitarfélaginu býr að meðaltali 0.07 manns á km².

Jarðir í Árneshreppi árið 1858:

  • Kolbeinsvík
  • Byrgisvík
  • Veiðileysa
  • Kambur
  • Kjós
  • Reykjarfjörður
  • Naustvíkur
  • Kjörsvogur
  • Gjögur
  • Reykjanes
  • Litla Ávík
  • Stóra Ávík
  • Finnbogastaðir
  • Bær
  • Árnes
  • Melar
  • Norðurfjörður
  • Krossnes
  • Fell
  • Munaðarnes
  • Eyri
  • Ingólfsfjörður
  • Seljanes
  • Ófeigsfjörður
  • Drángavík
  • Drángar
  • Skjaldabjarnarvík
  • Halldórstaðir, eyðijörð
  • Reykjarfjarðarverzlunarstaðarlóð

Tilvitnanir[breyta]

Heimild[breyta]


  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.