Wicca

Úr Wikipediu, frjálsa alfræðiritinu
Stökkva á: flakk, leita
Wicca-fylgjendur fagna Beltane í Englandi árið 2005

Wicca er nafn á nýtrúarhreyfingu sem alls konar hópar víðsvegar um heiminn sverja sig við. Hreyfingin kom fyrst fram á sjónarsviðið árið 1954 þá kynnt af breskum opinberum starfsmanni, Gerald Gardner að nafni, eftir að galdralögin á Bretlandi voru numin úr gildi. Gardner hélt því fram að Wicca væri ósvikin trúarbrögð sem ættu rætur að rekja til fornra þjóð- og galdrahefða sem höfðu farið hulduhöfði á bretlandseyjum frá fornöld og Wicca ætti því upphaf sitt að rekja til heiðins siðar fyrir tíð kristni í evrópu.

Aftur á móti hefur engum tekist að færa rökbundna sönnun fyrir fullyrðingum Gardners og í dag er það álitið að Gardner hafi sett saman Wicca sjálfur, þar sem mest af trúfræðilegu innihaldi þess er hægt að rekja til fyrirbæra sem sagnfræðirit frá 19. öldinni hafa þegar gefið til kynna.

Wicca virðist að mestu leyti byggt á enskum og keltneskum þjóðfræðum, enokíska kerfi Johns Dee, Thelema, Golden Dawn, Stregheria, tantrísku jóga og KJV Biblíunni.

Í nútímanum hafa mörg mismunandi afbrigði af Wicca verið búin til eftir þeirri reglu sem Gardner skapaði upphaflega og fékk viðurnefnið "Gardnerískt-Wicca". Þessi afbrigði byggja þó flest öll á sinni eigin sjálfstæðu trú, helgisiðum og athöfnum.