Umaru Musa Yar'Adua
Umaru Musa Yar'Adua (16. ágúst 1951 – 5. maí 2010) var forseti Nígeríu frá 2007 til dauðadags. Hann var lýstur sigurvegari í hinum umdeildu forsetakosningum 2007 sem voru harðlega gagnrýndar af alþjóðlegum eftirlitsmönnum fyrir víðtækt kosningasvindl. Hann gaf út yfirlit yfir eignir sínar skömmu eftir embættistökuna, fyrstur nígerískra forseta.
Í nóvember 2009 fór hann til Sádí-Arabíu til að leita sér lækninga við gollursbólgu og kom ekki fram opinberlega eftir það. Við þetta skapaðist pólitískt tómarúm þar sem forsetinn hafði ekki skipað varaforsetanum, Goodluck Jonathan, að taka við. Í febrúar 2010 tók öldungadeild þingsins þá umdeildu ákvörðun að skipa Jonathan starfsforseta á grundvelli neyðarréttar. Yar'Adua sneri aftur til Nígeríu nokkrum dögum síðar. Hann lést í forsetahöllinni 5. maí sama ár.
| Fyrirrennari: Olusegun Obasanjo |
|
Eftirmaður: Goodluck Jonathan | |||
Þjóðhöfðingjar Nígeríu | ||
|---|---|---|
Nnamdi Azikiwe (1963–1966) · Johnson Aguiyi-Ironsi (1966) · Yakubu Gowon (1966–1975) · Murtala Mohammed (1975–1976) · Olusegun Obasanjo (1976–1979) · Shehu Shagari (1979–1983) · Muhammadu Buhari (1983–1985) · Ibrahim Babangida (1985–1993) · Ernest Shonekan (1993) · Sani Abacha (1993–1998) · Abdulsalami Abubakar (1998–1999) · Olusegun Obasanjo (1999–2007) · Umaru Yar'Adua (2007–2010) · Goodluck Jonathan (2010-2015) · Muhammadu Buhari (2015–2023) · Bola Tinubu (2023–) |  | |
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.