Ulsteinvik
Ulsteinvik er bær og stjórnsýslumiðstöð í Ulstein sveitarfélagi í Mæri og Raumsdal i Noregi með 5.936 íbúa frá og með 2022. Í sveitarfélaginu eru 8.557 íbúar (2022). Ulsteinvík er einkum á eyjunni Hareiðsland, sem til forna var kölluð Hǫð. Hlutar Ulsteinvíkurbyggðar eru á eyjunni Dimna.
Ulsteinvik er 45 km suðvestur af Álasundi og 29 km austur af Fosnavåg. Um Fv 653 eru 33 km suður að Ørsta og þjóðveginum meðfram vesturströnd Noregs E39. Frá Ulsteinvik eru nokkrar daglegar brottfarir með rútu til bæði Álasund, Fosnavåg og Ørsta/Volda. Frá Ulsteinvik eru 24 km til Torvik hafnar, sem er sameiginleg Hurtigruten höfn Ulsteinvik og Fosnavåg.
Ulsteinvik er verslunarmiðstöð sveitarfélagsins og þar eru einnig stórar skipasmíðastöðvar og annar vélaiðnaður. Hér eru nokkrar verslunarmiðstöðvar, sérverslanir, hótel og Sjøborg menningarmiðstöð og kvikmyndahús.
Kongsberg Marine (áður Rolls Royce Commercial Marine) er með framleiðslueiningu í Ulsteinvik. Ulstein Group er alþjóðlega sinnað fyrirtæki í skipasmíði og skipahönnun. Hér var þróaður hinn þekkti X-bow. Fyrirtækið útvegar einnig ýmsar tæknilausnir á hafsvæðinu. Kleven Verft á Dimnøya er hluti af Kleven Maritime AS. Margir af Hurtigruten bátum nútímans eru smíðaðir við Ulstein Verft og Kleven Verft. Ulsteinvik er einnig með fjölda annarra tæknifyrirtækja.
Staðarblaðið fyrir Ulsteinvik er Vikebladet Vestposten, gefið út í Ulsteinvik. Blaðið fjallar um sveitarfélögin Ulstein og Hareid. Sunnmørsposten (stærsta dagblað sýslunnar) er einnig með skrifstofu í Ulsteinvik. Regionavisa er ókeypis dagblað með höfuðstöðvar hér.
Í Ulsteinvik er einnig að finna Ulstein Videregående skole (menntaskóla), Sunnmøre Folkehøgskole (lýðháskóla), Ulstein framhaldsskóli og Ulsteinvik grunnskóli.
Høddvoll leikvang (heimavöll íþróttaliðsins Hødd) er staðsett í Ulsteinvik. Ulstein Arena er einnig staðsettur hér, sem er samkomustaður íþrótta og menningar í Ulsteinvík og samanstendur af fjölnota sal, bókasafni, baðaðstöðu, klifursal, bókasafni, kaffihúsi og ferðamannaupplýsingum.
Ulsteinskirkja, sem er aflöng átthyrnd kirkja, var reist á gamla kirkjustaðnum á bænum Ulstein árið 1848, en var flutt til Ulsteinvík árið 1878.
Við Ulsteinvik liggur Oshaugen, einn stærsti grafhaugur Vestur-Noregs frá bronsöld og járnöld.
Trébátahátíðin í Ulsteinvík er haldin í ágúst. Á þessari hátíð koma saman bátaáhugamenn alls staðar að af landinu og fylla göturnar af fólki.
Karsten Warholm, íþróttamaður og ríkjandi heimsmethafi, Ólympíumeistari og heimsmeistari í 400 metra grindahlaupi kemur frá Ulsteinvík.
-
Ulsteinkirkja -
Ulstein verft -
Sunnmøre Folkehøgskole -
Ulsteinvik frá sjávarsíðunni
