Tony Iommi
Anthony Frank „Tony“ Iommi (fæddur 19. febrúar 1948) er enskur gítarleikari sem er þekktastur fyrir að vera meðlimur þungarokkssveitarinnar Black Sabbath.
Tony Iommi er fæddur í Birmingham, Englandi. Á unglingsárum lenti hann í slysi í verksmiðju þar sem hann vann og missti framan af tveimur fingrum. Hann óttaðist að hann ætti aldrei eftir að spila á gítar framar en kunningi hans kynnti honum fyrir Django Reinhardt, jazzgítarleikara sem hafði einnig skaddast á fingrum. [1] Iommi varð innblásinn af því og bjó til eins konar stubba til að festa framan á sködduðu fingurna.
Árið 1968 æfði Iommi með Jethro Tull í nokkrar vikur og kom fram með þeim í sjónvarpi ( sem hluti af The Rolling Stones Rock & Roll Circus).
Iommi hélt uppi nafni Black Sabbath á 9. og 10 áratugnum þegar upprunalegir meðlimir hljómsveitarinnar höfðu hætt.
Árið 2000 gaf hann út sólóplötu sína, Iommi þar sem ýmsir gestasöngvarar tóku þátt. 2011 gaf Iommi út sjálfsævisögu sína: Iron Man: My Journey through Heaven and Hell with Black Sabbath.
Iommi var greindur árið 2012 með krabbamein en hann fór í meðferð við því sem hélt því í skefjum.[2]
Rolling Stone tímaritið raðaði honum í númer 25 af 100 bestu gítarleikurum sögunnar.[3]
Sólóskífur
[breyta | breyta frumkóða]- Seventh Star (1986) (þó gefið undir Black Sabbath nafninu)
- Iommi (2000) (með ýmsum)
- The 1996 DEP Sessions (2004) (með Glenn Hughes)
- Fused (2005) (með Glenn Hughes)
- Ian Gillan & Tony Iommi: WhoCares (2012)
Tilvísanir
[breyta | breyta frumkóða]- ↑ Tony Iommi Allmusic
- ↑ BLACK SABBATH's TONY IOMMI Offers Update On His Health: 'I'm Up And Down' Blabbermouth.net, júní 2023
- ↑ „Geymd eintak“. Afrit af upprunalegu geymt þann 22 janúar 2018. Sótt 22 október 2015.