The Cranberries

Dolores O'Riordan og Noel Hogan

The Cranberries í París árið 2010.

The Cranberries var írsk rokkhljómsveit sem var stofnuð árið 1989 í Limerick. Í fyrstu hét sveitin The Cranberry saw us og var með karlkyns söngvara en síðar gekk söngkonan Dolores O'Riordan í bandið. Sveitin gaf út frumburð sinn Everybody Else Is Doing It, So Why Can't We? vorið 1993 en náði ekki athygli fyrr en lagið Linger varð vinsælt í Bandaríkjunum og var spilað á MTV. Næsta plata seldist enn betur og átti vinsælan smell með laginu Zombie (1994).

Hljómsveitin tók sér hlé árið 2003 of fram til ársins 2009 þegar meðlimir einbeittu sér að sólóferli. O'Riordan lést árið 2018 og voru síðustu upptökur með henni gefnar út 2019. Sveitin var kennd við jaðarrokk en hefur blandað öðrum stefnum í tónlist sína.

The Cranberries hefur selt yfir 40 milljónir platna á heimsvísu.

Meðlimir

• Mike Hogan – bassi
• Noel Hogan – gítar
• Fergal Lawler – trommur
• Dolores O'Riordan – söngur, gítar og hljómborð

Breiðskífur

• Everybody Else Is Doing It, So Why Can't We? (1993)
• No Need to Argue (1994)
• To the Faithful Departed (1996)
• Bury the Hatchet (1999)
• Wake Up and Smell the Coffee (2001)
• Roses (2012)
• Something Else (2017) (Órafmagnaðar útgáfur, sinfóníuútgáfur og nokkur ný lög)
• In the End (2019) (unnið úr demóum fyrir síðustu plötu)