Stangveiði

Úr Wikipediu, frjálsa alfræðiritinu
Jump to navigation Jump to search
Fluguveiði í ánni Severn.

Stangveiði er fiskveiði með veiðistöng, fiskilínu og öngli. Veiðistangir eru oftast með veiðihjóli til að gefa línuna út, draga hana inn og geyma hana á hjólinu. Öngullinn er ýmist með beitu eða annars konar agn og stundum eru flotholt og sökkur festar við línuna og öngulinn til að halda honum í réttri hæð í vatninu. Ýmsar tegundir stangveiði eru til, eins og fluguveiði, kastveiði, sjóstangveiði o.s.frv.

Stangveiði er aðallega stunduð sem sportveiði til afþreyingar en línuveiði, án veiðistanga, er svipuð aðferð sem notuð er við atvinnuveiðar. Í sumum tilvikum stunda stangveiðimenn sleppiveiði þar sem fisknum er sleppt lifandi eftir að hann hefur bitið á öngulinn.

Stangveiði er stunduð bæði á sjó og í ám og vötnum. Meðal fisktegunda sem veiddar eru með þessum hætti eru sverðfiskur, túnfiskur, þorskur, vatnakarpi, gedda, lax og silungur. Stangveiði er víða stunduð sem keppnisgrein.

Wiki letter w.svg  Þessi grein er stubbur sem ekki hefur verið settur í undirflokk. Þú getur hjálpað til með því að bæta við greinina, eða með því að flokka hana betur.